TAKDO nga usa ka tuig kaniadtong Martes, Enero 21, ang hustisya padayong gisingit sa pamilyang Reluya ang kamatayom ni kanhi konsehal Ricardo 'Nonoy' Reluya.
Ang maong kalihukan gipanguluhan ni Mayor Lakambini Neneth Reluya, uban sa iyang pamilya, sa mga opisyal sa lungsod, mga higala ig sa mga pamilya sa naapil sa pagkamatay sa ambush nga sila si Tourism head Ricky Monterona, ug drayber nga si Allan Bayot.
Ang kalihukan gisugdan sa aantos nga misa sa San Isidro Parish Church sa San Fernando.
Human sa santos nga misa sa alas 5:00 sa hapon gisunod gilayon ang pag-blessing sa sakyanan nga gisakyan nila ni Konsehal Reluya.
Gatusan sa ilang nga supporters uban sa mga lokal nga opisyal, higala ug kabanay nagsul-ob og t-shirt nga nag imprenta pagpanawag sa hustisya sa kamatayon ni Konsehal Reluya ug mga kauban.
Human sa blessing gipagayon ang unity walk ug candle lighting gikan sa lungsod paingon sa Brgy. Panadtaran, diin nahimong Kapitan si Nonoy Reluya.
Singgit nila ang hustisya kang Nonoy Reluya ug mga kauban kay hangtud karon wa gyud makairog ang imbestigasyon sa kaso,
Si Mayor Reluya, nga nahinabi sa mga tigbalita, nipadayag nga makigtagbo unya siya sa kadagkuan sa kapulisan sa probinsiya sa Sugbo alang sa pagbukas sa imbestigasyon sa kaso.
Ang mayor nibutyag nga gipadamgo siya og usa ka pulis. Tungod niini nagtuo siya nga mapadali ang paghatag og hustisya sa kamatayon sa iyang bana ug mga kauban.
Labi na karon nga dunay bag ong liderato sa kapulisan sa Probinsiya sa Sugbo ug bag ong direktor sa PRO7.
Ang mayor nipadayag nga usa ka tuig na gikan sa pagkamatay sa iyang bana apan wa gayud siyay nadawat nga bag ong kalamboan sa imbestigasyon sa kaso.
Nanghinaot siya nga sa bag ong liderato sa PNP mahatagan sila og hustisya ug ang ubang biktima.
Hangtod karon, walay tino nga kasulbaran sa kaso ni Reluya. (GPL)