367 na ka mga armas gitahan sa kapulisan

GITAHAN. Gipresentar sa Cebu City Mobile Force Company ang mga armas nga gitahan sa mga lumolupyo sa kabukiran sa Dakbayan sa Sugbo. (Arnold Y. Bustamante)
GITAHAN. Gipresentar sa Cebu City Mobile Force Company ang mga armas nga gitahan sa mga lumolupyo sa kabukiran sa Dakbayan sa Sugbo. (Arnold Y. Bustamante)

LAIN na usab nga mga armas nga way papeles ug lisensya gikan sa mga bukirang barangay sa Siyudad sa Sugbo ang gitahan sa City Mobile Force Company sa Cebu City Police Office (CCPO).

Moabot na sa dul-an 400 ka armas ang na surrender sukad gihingusgan ang kampanya sa kapulisan batok sa loose firearms.

Ang armas nga gitahan ning higayuna, moabot ngadto sa 21 nga naglangkob sa Frontier, kalibre .38 nga revolver, .357 caliber revolver, .30 caliber bolt action sniper rifle, improvised shot gun, .30 calibre revolver ug usa ka improvised nga pistola.

Lakip sa nakuha ang pito ka bala sa 40 millimeter grenade alang sa M203 launcher ug daghang matang sa bala sa armas.

Matod ni Police Lieutenant Colonel Randy Korret, hepe sa CMFC, nga daghan pa nga mga armas nga naa sa mga kamot sa mga sibilyan sa bukid tungod ug alang sa ilang proteksyon.

Moabot na sa 367 ka armas ang ilang nakuha sukad niadtong Agusto 2019 diin gisugdan usab sa CMFC ang ilang kampanya batok sa loose firearms sa dakbayan sa Sugbo.

Target nila nga maka kuhag 5,000 ka mga armas sulod sa usa ka tuig nga operation dungan sa panawagan sa mga residente nga ilang i-surrender aron di sila makasugat og problema sa umaabot nga mga adlaw.

“Alarming to kasi mga high powered ito eh. And then mga previous years kasi, yan mga 2012 mga 2013 may mga shooting incidents hindi na report before. Kaya yan yung nag challenge sa amin na i-recover nal ang yung mga firearm,”matod ni Korret.

Gibana-bana sa kapulisan nga aduna pay 25,000 ka mga loose firearms sa tibuok siyudad sa Sugbo nga ilang gitinguha nga mabalik sa kapulisan aron di magamit sa mga kriminal. (AYB)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph