SUPERBALITA CEBU

Mga pulis nag-golf, gi-relieve

TULO ka mga police official sa Police Regional Office 7 (PRO) 7 giparelibohan sa katungdanan sa bag-ong gi-instalar nga Philippine National Police (PNP) chief human nasakpan nga nagduwag golf panahon sa adlaw nga tingtrabaho.

Ang maong mga pulis gibalhin sa Personnel Holding Accounting Unit sa Camp Crame samtang gipaubos sila sa imbestigasyon.

Kini mao sila si Police Colonel Dennis Artil, hepe sa Comptroller Division; Police Lieutenant Colonel Dennis Bad-ang, hepe sa Finance Service; ug Police Lieutenant Colonel Glenn Mayam, hepe sa Police Drug Enforcement Group 7.

Matod ni Police General Archie Gamboa nga ang tulo iyang gimandoan nga mo-report sugod karong adlawa, Biyernes, Enero 24, sa PHAU sa Camp Crame.

“I have ordered the reassignment of the Personnel of the Holding and Accounting Unit the national HQ while undergoing investigation for flagrant violation of a specific directive. An act that constitutes grave misconduct,” matod ni Gamboa.

Dugang sa PNP chief sa iyang gihimong media briefing sa Camp Crame nga sa iyang nakuha nga impormasyon, moduwa ang maong mga pulis sa Huwebes ug Biyernes.

Kon laayon sa ilang opisina, moduwa kini og Miyerkules.

Una nang mipagawas og kamandon ang labing taas nga opisyal sa kapulisan pagdili sa tanang personnel pag duwag golf panahon sa adlaw nga ting trabaho.

Tungod sa pagparelibo sa tulo, gi warninang niya ang hepe sa PRO 7, Police Brigadier General Valeriano de Leon ug dili na paabuton nga aduna na usab siyay parelibohan sa katungdanan.

“Strike 1 na si RD sa PRO7. All regional and NSU directors are hereby reminded of the existing policy on this prohibition that I issued when i assumed as OIC. As I have said three days ago now, that I am the chief PNP. I am vested with great authority to implement the program of internal cleansing and reform with iron fist even if necessary,” dugang ni Gamboa.

Pahimangno

Si De Leon, sa iyang bahin, nagkanayon nga kanunay na siya nga mipahimangno sa iyang mga sakop nga di molapas sa kamandoan sanglit maapil usab siya tungod kay maigo siya sa command responsibility.

Tungod niini, iyang gimandoan ang mga opisyal nga ilang bantayan ang ilang mga sakop.

Kon adunay molapas sa lagda sa chief PNP, hatagan dayon nila kinig aksyon ug pasakaan og kaso nunot sa ilang nahimo.

“Well, we always reiterate all of his (Gambo) instructions and if our people will not cooperate, papasok din yung command responsibility. Tatamaan tayo, and thats normal,” matod ni de Leon.

Giangkon niya ang kasaypanan tungod kay maapil siya sa maimbestigaran sa ilang ulohang buhatan.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph