SUPERBALITA CEBU

1M turista mibisita sa Ormoc sa 2019

LAKE DANAO. Usa ang Lake Danao sa labing dayuhon nga tourist site sa Ormoc City diin daghan ang kalingawan ug haom para mga pamilya ug mag barkada. (Hulagway iya ni John Kevin D. Pilapil)

ORMOC CITY, Leyte--Kapin sa usa ka milyon nga mga turista ang naitala sa Ormoc City nga mibisita sa dakbayan sa tuig 2019 ug labing dako nga ihap gikan 2016.

Kini ang gitug-an sa mga miyembro sa Ormoc City Tourism Council (OCTC) sa ilang meeting Biyernes, Enero 24, 2020.

Matod sa OCTC, sa tuig 2019 niabot sa 1,335,336 ang grand total sa tourist arrival sa dakbayan.

Pinakadaghan og naitala ang mga day tour and events nga duna'y 931,930, nasunod niini ang mga naitala ang mga accommodation establishments nga dunay 273,240 ug tourist sites visitation nga dunay 130,166.

Base sa datos sa OCTC, sa paglingkod ni Mayor Richard Gomez niadtong 2016 naitala sa Ormoc ang 124,623 nga tourist arrival; sa tuig 2017 naitala ang 297,435 ug niabot naman sa 348,412 sa tuig 2018.

Lakip sa day tour and events sa dakbayan mao ang Ormoc Museum; Bench Marking Session; Ormoc Port; City Agriculture; MICE/Convention Center; Evraa 2019; Parade of Lights; Miss Ormoc 2019; Fiesta Culminating concert; Charter Month Culminating concert ug Year-end celebration concert.

Matod ni Gomez, niadto pa niya prayoridad ang turismo ug peace and order sa Ormoc ug ilang buhaton ang tanan para mas molambo pa kini sa mosunod pa nga tuig.

Niini, nakuha sa dakbayan ang pasidungog nga Safest City sa Pilipinas ug nakuha usab ang Best Tourism Research Award. (JKDP)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph