MANILA - Bongga ang 11th PMPC Star Awards for Music nga gipahigayon sa Skydome niadtong Biyernes sa gabii. Hosts sila si Ariella Arida, Christian Bautista ug Kris Lawrence. Pasabog ang opening number nila ni Erik Santos, Mitoy Yonting ug Jaya kay ilang gikanta ang mga kanta nga nominado for Song of the Year.
Unang nidawat og award si Jaya as winner of Album of the Year (Queen of Soul), ikaduha ang komedyanteng si Mojack diin ako ang mihatag kaniya og trophy sa stage. Kuwela ang iyang kantang Katuga nga gigamit pa sa Pinoy Big Brother Otso.
First time nakadawat og trophy ni Jaya sa Star Award ug iya kining gihalad sa iyang inahan nga si anhing Elizabeth Ramsey.
Midalit sad og number ang X Battalion (nga eventually midaug as Best Rap Artists of the Year) kauban ang seksing si Sachna Laparan nga nag-revive sa Miss Flawless ni Angelica Jones.
Male and female Lifetime Achievement Awardee sila si Regine Velasquez ug Jose Mari Chan nga nag-throwback sa dihang ilang gihimo ang MTV sa Beautiful Girls.
Nakahilak si Regine sa dihang iyang gidawat ang iyang tropeyo og plake gikan sa mga past presidents sa Philippine Movie Press Club. “Hangga’t may nakikinig sa akin, patuloy ako na kakanta,” matod ni Regine nga nagtulo ang luha. Nahinumduman man gud niya ang iyang amahang si Mang Gerry nga matod niya, kon buhi pa karon, kauban unta niya ug usa sa malipayon sa maong award.
Nawa man ang iyang amahan, may nipuli naman kuno ug kini mao ang iyang bana nga si Ogie Alcasid diin nisaka pa sa stage to share moments with Regine.
Si Jose Mari Chan naman, very thankful tungod kay matud niya, ikaduha na niyang pagdawat kini sa Lifetime Achievement Award gikan sa PMPC Star Awards for Music. Hmmm... nganong naulit?
A siguro kay kaniadto ang PMPC ang minghatag kaniya og Lifetime Achievement Award ug karon man gud, under na siya sa Levi Celerio Lifetime Achievement Award, same thing with Regine nga under na sa Pilita Corrales Lifetime Achievement Award ang iyang nakuhang pasidungog.
Bongga ang tribute sa duha tungod kay gipangkanta nila ni Jed Madela ug mga batikang tingog sa teatro nga sila si Joanna Ampil og Arman Ferrer (bida sa Binondo Musical) nga gipakpakan pag-ayo sa audience.
Todo bigay sad ang sing and dance number ni Elmo Magalona nga nikanta sa hit songs sa iyang amahang si Francis Magalona.
Ang midaug nga song of the year mao ang “Buwan” ni JK Labajo.
Daghang categories busa daghan sad og winners nga wala tay igong espasyo para i-mention tanan. Congrats sad sa among direktor nga si Arlene Tolibas og kudos sa presidente sa PMPC nga si Sandy Es Mariano for an award well-staged.
Mapapanood ang 11th PMPC Star Awards for Music sa PTV 4 sa February 1, at 7 pm.