DEAR Noy Kulas,
Maayong adlaw kanimo. Kanunay kong nagsunod sa imong column sa inyong website.
Ang akong problema mao ang akong brother nga gibiyaan sa iyang asawa ug gidala ang ilang usa ka anak. Sukad ni nahitabo, pirme na lang siya hubog mauli sa balay ug magsige og hilak. Ang nakapait kay toa na sa abroad ang iyang asawa kay naa na diay foreigner.
Madawat ra unta sa akong brother nga biyaan siya sa iyang asawa pero ang nasakitan niya og maayo mao ang pagdala sa ilang anak nga close kaayo niya. Until now wa siyay contact sa iyang asawa ug anak pero ang ingon sa family sa babaye nga toa na sa abroad ang inahan ug anak.
Noy, unsa may among buhaton karon aron among matabangan ang among igsuon? Kuyawan ko kay basin unsa ang mahitabo niya karon? Please tambagi mi unsa ang among mahimo?
JEN
Jen,
Gikinahanglan og legal nga lakang ang nahitabo karon. Mao na ang labing maayo ninyong buhaton aron matabangan ang inyong igsuon. Kon magpadayon siya nianang iyang kinabuhi karon, way mahitabo kon magsige lang siya og inom. Makaingon ang iyang asawa nga wa siya masayop sa iyang desisyon nga biyaan ang imong igsuon.
Pagpa-blotter usab sa kapulisan. Maayo nga siya ang modangop sa kapulisan for record purposes. Unya, padangpa siya sa barangay aron mapatawag ang family members sa iyang asawa ug maestorya niya kalabot sa hitabo. Mas maayong dunay usa ninyo nga iyang kuyog aron maka-feel siya nga duna moy support niya ug wa siya mag-inusara. Importante kaayo karong panahona ang inyong pagpakita sa suporta niya.
Mao sugdi ninyo pagpangitag lawyer aron magiyahan mo sa unsay angay nga buhaton. Basin pa pinaagi sa legal nga lakang, iyang makuha o ma meet ang iyang anak, not necessarily karon, kon di sa near future. Bitaw kay at least pud sa umaabot, makita sa bata nga ang inyong igsuon nangita niya. Proof ang mga dokumento. Unya, magamit usab ni puhon, kana kon tinuod man nga toa na sa abroad ang bata kuyog sa inahan, sa pagpugong nga makalusot og balik kay naa man ang inyong igsuon nga mao ang amahan.
Ayaw ninyo pasagdi ang inyong igsuon. Be always there for him.
NOY KULAS
Alang sa problema, e-mail sa kulassuper@sunstar.com.ph ug rojval69@yahoo.com