MOHASOL ang migrane, spinal problem, slipped disc, panakit sa ugat sa nawong ug hawak ni Pres. Rodrigo Duterte gumikan sa aksidente sa motorsiklo.
Buerger’s disease nga panakit sa ugat sa bukton ug bitiis ingon man Gerd nga karat sa tutonlan gumikan sa panabako ug kadtong pasangil ni Joma Sison sa CPP nga nag-comatose.
Apan sa medical check-up nagpakita sa clean bill of health. Gani mibahad nga bombahan ang gikampohan sa mga rebelding komunista, Rufino ug Prieto sa Philippines Daily Inquirer nga nagpublikar og garbage stories sa iyang pamunoan nunot sa kasong plunder kansang buhatan nag-okupar sa luna sa gobyerno nga Mile Long Property sa Makati.
Babagan ang renewal sa franchise sa ABS-CBN nga mo-expire sa Marso 30, 2020 sa wala pagpagula sa iyang campaign ads sa 2016 presidential elections bisan nakabayad na kay tua makapusta sa LP ni Mar Roxas. Ipakanselar ang kontrata sa Manila Water sa Ayala ug Maynilad sa Pangilinan tali sa Metropolitan Waterworks and Sewerage System sa gobyerno nga wala mobayad og corporate tax ug mipahamtang og dakong bayranan sa mga konsumidor.
Mopasakag kasong economic sabotage sa mga magbabalaod nga miumol sa concession agreement sa 1987 panahon ni Pres. Fidel Ramos nga matapos sa 2022.
Misamot ang kasuko ni Duterte sa dihang ang Permanent Court of Arbitration sa Singapore mihukom nga pabayron ang gobyerno og 10.8B pesos pabor sa Manila Water ug Maynilad sa pasangil nga gipugngan ang pagpasaka sa bayranan.
******
Patyon si Peter Lim kon igkita hinungdan nga morag tagulilong lakip sa iyang igsuon nga sa Wellington Lim nga padayong nagtago-tago. Kadtong bahad nga sagpaon si Tomas Osmeña. Pagpuhag sa sindikato sa drugas, pagsanta sa kurapsyon ug kriminalidad. Ipapriso ang mga kritiko nga naglaraw pagpa-impeach kaniya.
Nakigbatok sa nagpunayg hulhog sa simbahan, CHR, US, UN, EU, ICC ug United Nations Human Rights Council (UNHRC) nunot sa hulga nga moputol sa diplomatikanhong relasyon. Misukol ni kanhi US Pres. Barack Obama. Makiggubat sa US ug Canada sa ilang basura nga gihan-ok dinhi sa Pilipinas.
Nakigbatok sa kaparian nga naghilabot sa iyang kampanya batok drugas.
Si US Pres. Donald Trump nagsagubang og katalagman sa liderato. Iyang campaign chairman nga si Paul Manafort ug abogado Michael Cohen nakonbikto og multiple financial crimes nga giangin si Trump. Kahinumdoman 40 porsento ra ang trust rating sa unang adlaw diin gisugat og halapad nga protesta nga Women’s Marches nga gisalmotan sa 3.5M kay wala mauyoni ang agenda paghulip sa Obama Health Care.
Naminte ang mga Black Americans kay dili ganahan kanila si Trump. Gipalihok ni US House Speaker Nancy Pelosi ang impeachment batok ni Trump sa pagpasibog sa hinabang sa langyawng kanasoran sama sa Ukraine kon dili moinbestigar sa iyang kaatbang ning 2020 nga si Joe Bedin. (csa_1156@yahoo.com / 09064648954)