SUPERBALITA CEBU

24/7 checkpoint sa Tanke

OPERASYON: Mao kini ang kalitkalit nga checkpoint nga gimuntar sa Barangay Tanke, dakbayan sa Talisay nga nailang nagpadayon ang pagkuyanap sa gidiling drugas. (Fe Marie Dimaboc)

GAWAS sa kanunay na nga mga anti-drug operation sa siyudad sa Talisay, 24/7 nga checkpoint sa Barangay Tanke ang gihimo sugod niadtong Miyerkules sa gabii, Enero 23, agig tubag sa awhag ug hagit ni Presidente Rodrigo Duterte.

Human usab dugang 30 ka mga pulis nga gikan sa Regional Mobile Force Batallion (RMFB)-7 gidugang sa Police Regional Office-7 ngadto sa Talisay City Police Station (TCPS).

Gipadala ang dugang 30 ka mga pulis, Myerkules sa buntag. Una dayon nila nga assignment ang mag- static checkpoint sa mga sakyanan nga mosulod ug mogawas sa Barangay Tangke.

Lakip sa gipahigayunan sa checkpoint ang Barangay San Roque. Ang duha ka barangay ug ang Tabunok giila sa Kagamhanan sa Siyudad sa Talisay ug sa TCPS nga ilang problema tungod sa ilegal nga drugas.

Mismo sila si Talisay City mayor Gerald Anthony Gullas, Cebu Provincial Police Office (CPPO) Director Col. Roderick Mariano ug hepe sa Talisay Major Gerard Ace Pelare ningsusi sa unang adlaw sa static checkpoint.

Usa sa gitan-aw ni Mariano nga rason nga nahimong’ hagbunganan sa ilegal nga drugas ang tulo ka barangay sa siyudad tungod sa squatters area diin dali alang sa mga ilegalista ang makaeskapo, ug kasagaran, di ra manggilabot pa ang kasilinganan.

Awhag ni Mariano sa Talisaynon sa pag-abag sa ilang operasyon aron hingpit masumpo ang drugas. (FMD)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph