Lalake gibugno sa babayeng 'giabangan'

Diay usa ka lalake nag patabang sa Waterfront police station human bugnoa sa commercial sex worker nga iyang gikasabot nga magtagay sa lawasnon nga kalipay sa usa ka lodging house sa dalan V. Gullas, Barangay Santo Niño, Siyudad sa Sugbo.

Si Bordz (di tinuod niyang ngan), 23, taga barangay Tipolo, Siyudad sa Mandaue, nakigsabot kang Linda (di tinuod nga ngan) alang sa lawasnong kalipay.

Nahitabo kini pasado alas 5 sa kaadlawon sa Sabado, Enero 25.

Dihang didto na sila sa sulod sa kwarto, gipa money down una siya.

Gibayran ni Bordz si Linda og P500 apan sa dihang nakuha na ang kwarta, niikalit lag gawas ang babaye nga dali usab nga gi-apas sa ulitawo.

Sa dihang bawion na unta ni Bordz ang kwarta, gibugno na hinuon siya hinungdan nga nasamad ang iyang mga kamot ug bukton tungod sa mga kawras.

Kasong slight physical injuries ang atubangon nga kaso ni Linda, kinsa na balhog na karon sa selda sa Waterfront police station. (Benjie B. Talisic; Arnold Y. Bustamante)