SUPERBALITA CEBU

Estudyante i-surrender kay nagwang-wang

CEBU. Screenshot gikan sa nag-viral nga video sa social media diin nag-drive ang usa ka lalake sa usa ka sakyanan nga nagwang-wang. (Screenshot gikan sa Facebook page ni Mayor Ahong Chan)

USA ka estudyante ang nakaani og pagsuway sa social media human nag-viral ang usa ka video diin makit-an nga nag-drive kini og sakyanan sa Dakbayan sa Lapu-Lapu nga padulong sa iyang tunghaan nga nagwang-wang.

Gikatakda nga i-surrender mismo ni Lapu-Lapu City Mayor Junard “Ahong” Chan sa Land Transportation Office (LTO) ang lalaki karong Lunes, Enero 27, 2020.

“I-surrender daw ni Mayor Ahong this Monday morning sa LTO,” matod ni LTO Central Visayas Regional Director Victor Caindec.

Base sa caption gikan sa nag-viral nga Instagram story, daw late na ang lalake sa iyang exam nga nagtungha sa usa ka aeronautic school sa Lapu-Lapu.

Ang account nga “JasmineKingChan” mao ang ni-upload niini samtang gituohan nga iya sa lalake ang account nga “jnspencer21” nga mao'y ga-share niini.

Sigon sa mga netizens ang account nga "JasmineKingChan" panag-iya sa anak sa mayor, kinsa usa ka appointed nga konsehal sa Barangay Pajo, Dakbayan sa Lapu-Lapu. Ingon man ang lalaki, uyab niini.

Base sa video, nakasuta si Caindec og kalapasan sa maong lalake og reckless driving, failure to wear seatbelt ug kalapasan sa Presidential Decree 96 o ang "anti-wang-wang" nga balaod.

Sa iyang bahin si Chan, nagkanayon nga dili nila i-tolerate ang maong kalapasan bisan paman og nalambigit ang higala niini o miyembro sa pamilya.

“As mayor, I condemn the viral video which allegedly happened here in Lapu-Lapu City. I call upon LTO to conduct an investigation to identify and penalize the traffic violator therein. As the father of the city, I will extend my full support to LTO in their quest for the truth. My administration will not tolerate such abuse whether it involves a friend or a family member. We hope to get to the bottom of this very soon,” sa opisyal nga pamahayag ni Chan. (HBL)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph