NAHUMAN na ang Sinulog apan may hangover pa ko niini, dili mahimong dili nako ma-share ang pipila ka hitabo. Kon ang uban ang mga artista sa kaulohan ang gikagubtan, kami usab sa akong mga batchmates nga Josenian, ang grupo nga “Sakdap” among gisulong sa dressing room.
Kauban silang Yvonne Durangparang Atillo, Lynlyn Tan Giatoro ug Clarissa Nacorda Jabonero misaksi sa 40th Cebu Popular Music Festival sa IEC Pavillion.
Congratulations sa 40th Cebu Pop sa malampusong kalihukan. Bow kami sa tanang mga finalist ug labi na sa mga winners sama sa “Sugid ni Maria”, “Abby” ug uban pa.
Nasaksihan sab namo ang way paglubad nga grupo nga “Sakdap” (Henry, Gani, Jocel ug Erving) nga usa sa mga performers sa maong programa.
Paghuman niini mihangyo mi sa among lig-on nga backer Claire nga moadto sa dressing room nila para mo-congratulate ug magpa-piktyur.
Dili lang kompleto ang upat kay busy pa ang Gani kauban sa iyang asawa nga si Gloria ug mga staff and crew sa Soundtraxx production.
Nagkita sab mi ni June Villarta nga usa sa mga mi-enterpret sa composition nga “IPTU”, nga kontodo make up pa. Congrats June!
Sa tanan nga mga nagdumala apil na ang host nga si Sam Costanilla, Congrats! Ay’g saba!
Yam Concepcion grabeh ka swerte ug super blooming ang iyang career karon, human nato siya nailag maayo sa teleseryeng “Halik” niadto.
Karon ratsada ang career sa dalaga hasta ang lovelife sab niini kay kon mag-propose na gani kuno ang iyang uyab siguradong “yes” kuno ang iyang itubag.
May “Nightshift” kini nga pelikulang showing karon, may “Uncoupling” pa kining makita nato sa iWant app nga streaming kauban si Joseph Marco.
Ay’g saba!