SUPERBALITA CEBU

Mongaya: Coronavirus

Panahom

WALA pay positibong kaso sa coronavirus dinhi sa Pilipinas? Samtang mosalig ko sa anunsyo sa Department of Health (DOH), nabalika ko sa nahitabo sa miaging Enero 12, 2020 diha sa atong Mactan-Cebu International Airport (MCIA).

Negatibo man lagi, nasayran na sa pagkakaron. Apan niadtong higayona nga naabot ang usa ka inahan ug anak nga lalaki dinhi sa Sugbo, naa silay symptoms sa hilanat ug ubo dayon gikan sa Tsina.

Sa pagkakaron man gud, nikatag na pag-ayo ang coronavirus didto sa China labi na sa Syudad sa Wuhan ug duha ka laing syudad sa Tsina. Gani, naabot na ang maong virus sa uban nasud sama sa Japan, Taiwan, Thailand, Vietnam, Estados Unidos ug uban pa.

Atong nasayran gikan sa CNN karon nga niabot na og 41 ang namatay tungod sa maong coronavirus ug kapin na sa libo ang nataptan. Gawas sa lockdown, dunay mga travel restriction sa Tsina, diin duha na lang kuno ka probinsya ang wala maapektohi.

Matod pa sa atong Department of Health (DOH) sa akong pag-Google niining pagkasulata, wala pay positibong kaso nga naabot sa Pilipinas. Kutob pa sa mga di rehistradong empleyado, mga POGO, kining mga barato apan dali maguba nga produkto, ug ang shabu maoy kompirmadong gikan sa Tsina

Apan, angayang naalarma unta dayon ang atong mga opisyal sa quarantine ug wala na kini pagawsa pa sa airport.

Nagubot gyud hinuon kay dihang niadto kini sa ilang gipuy-an nga AirBnb nga condo diha sa IT Park, niadto na sab kini sa pribadong ospital sa Cebu City.

Ambot lang sab niining ospitala nga igo lang gikuhaan og sample ang mga pasyente nya gipa-checkup sa Manila. Dayon, gibuhian ang mga pasyente. Wala gi-quarantine.

Nabuang gyud hinuon ang mga awtoridad nga nangita sa duha sulod sa sunod lima ka adlaw. Maayo na lang kay nakit-an ra ug gi-quarantine sa Vicente Sotto Memorial Medical Center (VSCCMC).

Sa Enero 25, 2020 ra ba unta ang Chinese New Year ug angayang mo-welcome kita sa Year of the Metal Rat. Apan daw daghan man ang problema tungod sa coronavirus.

Kining coronavirus usa ka pamilya sa mga virus nga maka-apekto sa atong respiratory system. Dunay pito ka mga coronavirus lapik ang 2019-nCoV. Ang SARS (Severe Acute Respiratry Syndorme) mao ang nagpaluyo sa coronavirus outbreak sa 2002-2003. Niadtong tungora, niabot og 8,098 ka tawo ang nataptan samtang moabot og 774 ang nangamatay.

Ang MERS (kun Middle East Respiratory Syndrome), unang nailhan sa 2012. Sa 2,494 ka kaso sa MERS, moabot og 858 ang mga nangamatay.

Tungod niini, manghinaot kita nga molampos ang mga awtoridad dinhi sa Pilipinas nga pagbabag sa mga tawo nga nataptan sa pagsulod sa atong nasud.

Di na mahimo ang pagluyaluya sa atong mga opisyal sa quarantine diha sa mga airport. Gawas sa mga turista, naa pay daghang mga Pinoy nga tua sa Tsina. Bantayan nato ang mamauli.

@anol_cebu sa Twitter


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph