Nagwangwang i-surrender ni Chan

Lapu-Lapu City Mayor Junard “Ahong” Chan. (SunStar file)
Lapu-Lapu City Mayor Junard “Ahong” Chan. (SunStar file)

ITAHAN ni Lapu-Lapu City Mayor Junard “Ahong” Chan ang usa ka lalake nga nag-drive og sakyanan sa Dakbayan sa Lapu-Lapu nga padulong sa iyang tunghaan nga nagwang-wang.

Wa nahasubay sa balaod ang gibuhat sa maong lalake, busa i-surrender siya ni Chan sa Land Transportation Office (LTO) karong Lunes, Enero 27.

Daw uyab sa anak ni Chan ang lalake kay sakay usab ang anak niini nga si Jasmine King Chan, appointed nga konsehal sa Barangay Pajo, Lapu-Lapu City.

Base sa ni-viral nga video nga gi-upload sa stories sa Instagram, ang account ni Jasmine nga “JasmineKingChan” mao ang ni-upload niini samtang gituohan nga iya sa lalake ang account nga “jnspencer21” nga maoy ga-share niini.

“I-surrender daw ni Mayor Ahong this Monday morning sa LTO,” matod ni LTO 7 Regional Director Victor Caindec.

Si Caindec, base sa video nakasuta og kalapasan sa maong lalake og reckless driving, failure to wear seatbelt, ug kalapasan sa Presidential Decree 96.

Base sa PD 96, ang Armed Forces of the Philippines, National Bureau of Investigation, Land Transportation Commission, Police Departments, Fire Departments, ug hospital ambulances ra ang mamahimong mogamit og wang-wang.

“Any device or gadget installed or mounted on any motor vehicle or otherwise used in violation of this decree shall be subject to immediate confiscation and, in cases of a second and subsequent offenses, the offender shall be prosecuted for violation of this Decree before the military tribunal and, upon conviction thereof, shall suffer the penalty of imprisonment for six months and/or a fine of 600 pesos,” tipik sa maong balaod.

Si Caindec, sa iyang Facebook post, nibutyag nga usa ka tuig nga isuspenso ang lisensiya sa maong lalake. (HBL)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph