SI ASSOCIATION of Boxing Alliances in the Philippines (Abap) chairman Manny V. Pangilinan ang nasagmuyo human nga ang International Olympic Committee (IOC) Boxing Task Force (BTF) mihatag sa Asian/Oceanian Olympic Boxing Qualification Event hosting rights sa Amman, Jordan inay nga sa Pilipinas.
Ang Olympic Qualifying Tournament sa Boxing orihinal nga himuon unta sa Wuhan, China apan gi-pullout kini tungod sa coronavirus outbreak.
Ni Pangilinan, sa iyang pahayag nga nakuha sa SunStar Davao siya nagkanayon nga ang awarding sa hosting rights "obviously, a disappontment" diin ang Abap nagtanyag nga mo-host sa Olympic qualifier sa Pilipinas.
Niya pa, "We were prepared to fully support the hosting and would have mobilized all resources available toward that end. But there will be other opportunities and we remain steadfast in our commitment to support our boxing program with the same enthusiasm we have shown the past 10 years."
Apan, nagpasalamat siya sa IOC BTF sa pagkonsidera sa ilang tanyag ug gitimbaya ang Jordan sa paghost nila sa aktibidad.
Si Pangilinan, subling mipaabot sa iyang suporta kang Abap president Ricky Vargas ug Secretary-General Ed Picson ngadto sa mga Pinoy boxers nga naningkamot nga makakuha og pwesto sa Olympics.
"I also wish to convey our appreciation to those who supported our bid to host, notably the Philippine Olympic Committee, the Philippine Sports Commission, IOC representative to the Philippines Ms. Mikee Jaworski and the public at large," niya.
Si IOC BTF chair Morinari Watanabe, sa iyang suwat kang Picson, niadtong Enero 25, nagpasalamat sa Abap sa suporta ug tanyag nga i-host ang torneyo.
Suma pa nga ang pag-aprubar sa Jordan isip host miagi sa makuti nga pagduki-duki.
“Your support and generous offer to host the event was greatly appreciated, and we know that we speak on behalf of the IOC and the entire boxing community when we say, thank you for your commitment to making sure the athletes have the chance to compete and qualify for the Olympic Games in Tokyo,” ni Watanabe.