SUPERBALITA DAVAO

SPMC andam batok sa coronavirus

Gipasalig sa usa ka opisyal sa Southern Philippines Medical Center nga andam sila batok coronavirus. (PDS/AP)

GIPASALIG sa usa ka opisyal sa Southern Philippines Medical Center (SPMC) ang publiko nga ang pinakadako nga ospital sa Mindanao nagmugna og mga pamaagi aron nga tugbangan ang novel coronavirus (2019-nCoV) kon mosulod kini sa siyudad human nga mga kaso kalit lang nidaghan.

Si SPMC Chief of Clinics and Health Emergency Management Bureau (HEMB) coordinator Dr. Ricardo Audan, sa interview sa SunStar Davao, niingong ang SPMC andam alang sa posibleng mga panghitabo. Kini taliwala sa pagsaka sa ihap sa mga kaso ug patay, ug nikatap sa uban pang kanasuran sa kalibutan.

"Ready po ang SPMC. We actually have Isolation Facility intended for emerging and re-emerging diseases," pasalig ni Audan.

Ilang gigamit ang pasilidad alang sa mga pasyente nga gisuspetsahang adunay Middle East Respiratory Syndrome-related coronavirus (Mers-CoV), Severe Acute Respiratory Syndrome (SARS), ug Ebola Virus Disease (EVD).

"The facility has a negative pressure room," dugang pa niya.

Sumala ni Audan nga tanang personahe sa SPMC maayo pagkabansay pagtubag niining global pandemic.

"We have PPE or personal protective equipment ‘yong parang astronauts ang dating. Again we are ready," subli niya.

Ang Department of Health (DOH) nihatag na kanila og sumbanan kon kanus-a i-admit ang pasyente.

"Di lahat galing sa China or with fever will be admitted. The guidelines came from DOH itself. Very clear ang guidelines," butyag niya.

Hangtud sa pagsuwat ning balita, wala pay gitaho ang DOH og bisan unsang gikompirma nga Chinese national kinsa nisulod sa nasud nga nataptan sa makamatay nga kagaw nga gikumpirma nga mokatap pinaagi sa "human-to-human contact."

Sa Asya, daghang kanasuran ang adunay natala nga kaso sa coronavirus lakip ang Republic of South Korea, Thailand, Japan, Singapore, Malaysia, ug Vietnam.

Ang 2019-nCoV mao ang bag-ong kagaw nga naggikan sa Wuhan City, Hubei Province sa China. Kini usa ka coronavirus, nga pamilya sa daghang mga kagaw, sama sa SARS ug Mers-CoV.

Ang Bureau of Quarantine-Davao hagbay nang nagpahugot sa ilang mga pamaagi sa pagmonitor sa mga pasahero nga mangabot gikan sa langyaw nga kanasuran ilabi na nga ang siyudad dunay direktang biyahe ngadto sa China, Hong Kong, ug Singapore.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph