MANILA - Lima ka tuig na ang minglabay sa duguong nahitabo sa SAF 44 sa Mamasapano apan hangtud karon, hustisya og managot ang dapat managot maoy battle cry sa mga inahan/pamilya sa mga namatay nga sundalo.
Sa kagustuhan ni Atty. Ferdinand Topacio nga matabangan og ipaalam sa publiko kon unsa jud ang nahitabo, nagmugna siya og iyang kaugalingong film outfit, ang Borracho Films diin ang iyang unang venture mao ang “26 Hours:Escape from Mamasapano”.
Si Atty. Topacio sad ang abogado sa mga inahan ng SAF44 nga nagsampa og reklamong 44 counts of Reckless Imprudence Resulting to Homicide sa Ombudsman against kang ex-president Benigno Aquino III, General Alan Purisima ug Getulio Napeñas nga maoy nagplano sa “Oplan Exodus” ug ang tumong mao ang masikop dead or alive ang mga teroristang si Zulkifli Abdhir (alyas Marwan) ug Abdul Basit Usman. Napatay si Abdhir pero nakatakas si Usman.
Sa gipahigayong storycon kagahapon, gipailaila ni Atty. Topacio ang scriptwriter sa maong lilas nga si Eric Ramos nga mao say scriptwriter sa “Rainbow Sunset”, ang direktor nga si Lawrence Fajardo nga daghan nang nahimong movies ug ang seksing si Mytrtle Sarrosa nga may importanteng role sa nahisgutang pelikula.
Usa siya ka bag-ong reporter nga ang unang beat mao ang pag-cover sa SAF44.
Present sab ang mga inahan sa mga nasawing SAF 44 ug wala kapugngi ni Myrtle ang makahilak sa dihang iyang nalaman nga hangtud karon, dala-dala pa sa mga inahan ang kasakit sa pagpanaw sa ilang mga sundalong anak.
May usa pa ka inahan nga Green Card holder na sa US pero ania na sa Pilipinas mingpuyo aron personal niyang maatiman ug mahatagan og hustisya ang pagkamatay sa iyang anak nga miyembro sa SAF 44.
Kasado na si Edu Manzano para sa role isip usa ka high ranking military officer, si Ritz Azul ug syempre si Myrtle.
Probably, si Arjo Atayde ang bida niini pero gipaabot pa ni Atty. Topacio ang response sa kampo ni Arjo.
Nagpadayag sad og suporta sa maong lilas si Gen. Amando Empiso, commanding officer sa Special Action Force ug si dating Heneral Benjamin Magalong nga karon mayor na sa Baguio City.
Kon magmalampuson ang first venture ni Atty. Topacio, isunod naman niya ang pelikula kabahin sa mga estudyante sa mga State University nga gipang-recruit para maging NPA.