YANONG gikastigo ni kanhi two-time world chanmpion Danny Garcia (36-2, 21 KOs) si Ivan “El Terrible” Redkach (23-5-1, 18KOs) sa ilang WBC welterweight title eliminator kagahapon didto sa Barclays Center sa Brooklyn, New York.
Atubangan sa 8,217 ka mga linawas nga misaksi sa maong away, saktong dominasyon ang gipakita ni Garcia gikan sa sinugdanan hangtod na sa katapusan nga nakapakombinsi sa tulo ka judges, 118-110, 117-111 ug 117-111.
“I thought the referee was gonna stop it because I felt like I was punishing him,” matod ni Garcia. “He’s a tough guy, he hung in there, I wanted to get the KO, but I didn’t get it. I feel like I boxed smart, and I feel like that’s what I needed after this layoff. I really wanted the knockout bad, but I’ll accept this.
Niini gipabuhagay ni Garcia nga andam siyang makigsangka ni bisan kinsa nila ni Manny Pacquiao o Errol Spence sa sunod niyang away.
Ingon niya nga iyang gipili si Redkach nga maoy iyang makontra tungod kay walhon usab kini sama nila ni Pacquiao ug Spence.
“Either or (Spence or Pacquiao) either of those fights I would like to have. My style looks great with both fighters,” dugang ni Garcia. (JBM)