2 ka sunog miulbo, 1 patay

GISUNOG?: Dili mominos 25 ka mga balay naabo ug dunay danyos nga P.5 milyunes ang sunog nga niulbo sa Sitio Panagdait, Barangay Kasambagan, dakbayan sa Sugbo kagahapon, Enero 26, pasado alas 3:00 sa hapon. Usa sa mga anggulo nga gisubay sa kabom­berohan mao ang kaso sa arson. (Amper Campaña)
GISUNOG?: Dili mominos 25 ka mga balay naabo ug dunay danyos nga P.5 milyunes ang sunog nga niulbo sa Sitio Panagdait, Barangay Kasambagan, dakbayan sa Sugbo kagahapon, Enero 26, pasado alas 3:00 sa hapon. Usa sa mga anggulo nga gisubay sa kabom­berohan mao ang kaso sa arson. (Amper Campaña)

DUHA ka sunog ang ning-ulbo sa dakbayan sa Sugbo kagahapon, Dominggo, Enero 26, ug usa ang gikatahong namatay.

Unang nisilaub ang karaang bodega sa Lemon St. duol sa Rama compound sa Barangay Basak San Nicolas.

Nianang ala 1:39 sa kaadlawon nadawat ang alarma sa sunog sa kabomberohan ug nakontrolar sa pagka ala 1:56 sa kaadlawon. Alas 2:10 sa kaadlawon, gideklara nga fire out.

Naugdaw ang karaang panimalay ni Antonio Madarang nga kasamtangan giabangan sa usa ka Edna Escobar ug gihimong bodega.

Si FO2 Fulbert Navarro nibanabana sa danyos sa maong sunog nga P200 mil.

Pagka alas 3:15 sa hapon niadtong Dominggo, laing sunog ang niulbo sa Sityo Panagdait, Barangay Kasambagan ug pag-abot sa tulo ka minutos, giisa sa second alarm.

Gibanabana nga moabot sa 25 ka mga balay ang naugdaw, diin gihulagway ni FInsp. Azraf Grar nga nagsugod ang pagsilaub sa panimalay sa usa ka Guillermo Canabe Sr.

Ang anak nga si Guillermo Canabe Jr. alyas Jong-Jong ang gidakop ug anaa na karon sa Mabolo Police Station human nga giingong gituyo og sunog niini ang ilang panimalay.

Usa ang patay sa maong sunog nga nailhan sa pangalan lang nga ‘Leo’.

Miabot sa tunga ka milyon ka pesos ang danyos diin gideklarar nga fire out sa pagka alas 4:40 sa hapon sa samang adlaw. (BBT)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph