Unabia gi-endorso ni Bambi pagka-gobernador

MATAG pamulong sa mga kalihokan ug lakip sa programa sa sibyaan sa radyo, kanunay nga gibalik ni Misamis Oriental Governor Bambi Emano nga dunay nay angayan mohulip ug mosunod kaniya sa pagka gobernador.

Si Gingoog City Vice Mayor ug kanhi 1st District Congressman Peter Unabia maoy nakita ni Emano nga angayan mohulip kaniya kung matapos na iyang termino.

Pahayag kini ni Emano atol sa Lambo MisOr Radyo program niini.

"Kung masayop ang katawhan sa pagpili unya ilang ihulip sa ako dili nako kauban sigurado gyod ko nga kanang farmers market wala na, kanang kuyamis festival wala na, barangay empowerment wala na kanang atong gisugdan nga katarong nga wala nay kawat diha sa atong probinsya wala na..." matud ni Emano.

Iyang nahisgotan nga dunay angayan nga mohulip kaniya nga nagpasalig ipadayon iyang mga programa ug ma dugangan pa.

"Kung sa inyong pagtutalimbang nagustohan ninyo ang atong pagserbisyo sa lalawigan usa ka tao nga makatabang kaninyo ang atong kanhi congressman, bise mayor karon sa atong dakbayan sa Gingoog ug kung inyong tabangan sunod nga gobernador Peter Unabia kay nagkasabota nami nga iya gyod ipadayon ang nasugdan nato nga mga programa sa atong lalawigan ug dugangan pa niya og mga maayo niyang huna huna," matud ni Emano.

Una na nga nikumpirmar si Unabia dinhi sa SunStar Superbalita nga magdagan siya pagkagobernador sa lalawigan ug andam kini bisan kanus a ang piliay.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph