MOKABAT ngadto sa usa ka libo ka mga tikoy ang gipanghatag atol sa Chinese New Year niadtong Enero 25 sa bell church sa Macasandig sa siyudad sa Cagayan de Oro.
Gitunol ang nahisgutang mga tikoy ngadto sa ubay-ubay ka mga indibidwal labi na mga benepisyaryo sa 4Ps sugod alas 9:30 hangtod alas 11:30.
Gibutyag ni Atty. Tony Uy, executive vice president sa Filipino-Chinese chamber of commerce, nga gihatagan kini og importansiya ilabi na panagtigom kini sa matag pamilya.
"All the Chinese all over the world ga-selebrar ani. We call it spring festival. It's the longest festival celebrated by the Chinese people. Family centered gyud ni," pahayag ni Uy.
Gidugang pa nga matag Chinese festival gahatag sila og mga tikoy.
"Ever since for the longest time, it proves nga duna'y positive nga resulta," dugang pa.
Nagpasalamat usab ang mga nakadawat sa ilang ticket alang sa tikoy gani ang uban nag-ingon nga walay mawala kung motoo usab sa tinuohang Chinese.
Samtang gani usa ka inahan ang nibutyag nga gakadawat kini og tikoy matag Chinese New Year gumikan na usab kay lage usa man kini ka benepisyaryo sa 4Ps ug gani manalangin kini sulod sa simbahan pagkadawat sa tikoy isip blessing.
Nanghinaot usab kini og maayo ug malinawon nga panginabuhian sa tanan.
Samtang subay na usab sa ilang master nga si Reverend Elias Ng nga ang Cagayan de Oro usa ka gold, rason usab nga susamang swerte kini.
"Cagayan de Oro what I understand just by the name, what's Cagayan de Oro? That's gold, who doesn't want to have a gold?, Cagayan de Oro is very well known even in Europe," pahayag niini.
Samtang gipasabot usab niini nga ang year of the rat maalamon. "The rat is very wise," dugang niini.
Gidugang pa usab ni Ng nga ang bad luck ug good luck nagsumikad sa kasingkasing.
"Everything begins with a heart, that's very important when you want to do something good to other people they repay you in good things if you always fooling other people they don't believe in you, bad things comes to you, we must always do good to everybody specially to those unfortune people," dugang niini.