Tagming: Bisan unsa pa ka-legend...

DILI gyud matag-an ang kinabuhi bisan unsa pa nimo ka-legend. Kon diha ra ka kutob, diha ra jud ka.

Kinsay magtuo nga wa na ang atong paboritong NBA legendary player nga si Kobe Bryant kay gikuha na sa Ginoo.

Ang akong mahinumdoman ni Kobe tuig 2010 tua ko sa Manila sa studio sa GMA-7 sa Quezon city kay didto ko nitan-aw sa kulbahinam nga Game 7 sa NBA Finals sa LA Lakers vs. Boston Celtics diin si Kobe ang nahimong MVP.

Dili sad ko kalimot tuig 2012 sa finals sa USA Team vs. Spain sa Olympics sa himatyong segundos diin ang 3-puntos ni Kobe ang nakapadaug nila sa score nga 107–100.

Si Kobe ug Michael Jordan mao ni silay alang nako “most unforgettable players” sa NBA ug grabe ang influence dili lang sa sports kundi bisan sa showbiz.

Leap Year

Wala mauso nilang Megan Young ug Mikael Daez ang “Greek superstition” nga ang magpakasal sa leap year dili maayo.

Nagpakasal sila niadtong Enero 25 nga Chinese New Year ug base sa Metro Style duna ra kunoy mga 10 ang ilang bisita. Laysho! Mao nay nindot kay gamay rag gasto.

Kadungog sad kog estorya sa mga showbiz circle nga karong Marso ang ilang Sarah Geronimo ug Matteo Guidicelli.

Bitaw, dili ta magpada sa mga tuo-tuo. Tuloy ang kasal!

Tubag ni Baron

Nakakita ko sa Instagram pictures ni Baron Geisler kauban ang mga nurses, doctors ug staff sa ospital diin nanganak ang iyang misis.

Kuha to dihang padung na silang mamauli. Kon tinuod pang nangulata si Baron og security guard sa maong ospital sa imong tan-aw duna pay gana to silang magpa-picture?

Ang tubag ni Baron sa maong alegasyon: “Solid fake news. Bless the soul who made it up...bless the soul also of the journalist who believed it and wrote about it without investigating.”

Block Z

Excited ko sa resulta sa box office sa pelikulang “Block Z,” nga showing na ugma, Miyerkules.

Dinhi nato masukod ang loyalty sa fans sa loveteam nilang Joshua Garcia ug Julia Barretto kon suportahan ba gihapon ni nila luyo sa “cold war” karon ni Joshua ug Julia.

Pero ako basin motan-aw ko ani kay maorag makalingaw salidaha. Haha...

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph