DISE-NUWEBE ka mga batan-on ang gisikop human nakasupak sa curfew Lunes sa gabii, Enero 27 sa Barangay Palao, Iligan City.
Mga alas 1:20 sa kaadlawon, sapon sa patrol team sa Iligan City Police Station ang 19 ka mga batan-on nga giingong nagtagay sa ilimnong makahubog.
Moabot 15 ka mga batan-ong lalaki ug upat ka mga babaye.
Gipangsikop kini sila gumikan kay adunay ordinansa ang maong siyudad nga gidili ang pag inom daplin sa kadalanan.
Ang mga nadakpan giisyuhan og citation ticket sa ilang kalapasan, gi lecturan ug gikuhaan og profile.
Gipagawas ra usab kini sila sa istasyonan.
Ang kapolisan sa Iligan City Police Office kanunay nagpaabot sa ilang pahimangno sa publiko nga adunay mga ordinansa nga angayan ipatuman aron magpabilin nga luwas ang siyudad.