SUPERBALITA CAGAYAN DE ORO

Walay kaso sa coronavirus

"UNLESS it is confirmed by the Department of Health, then ayha pata motoo ha. Kung walay confirmation sa Department of Health or news from DOH ato na ikuan na its fake news."

Kini ang tubag ni Misamis Oriental Provincial Health Officer Jerry Calingasan kalabot sa giingong gi-monitor nga posibleng nakasinati og simtomas sa coronavirus dinhi sa Pilipinas.

Gibutyag ni Calingasan nga dili kumpirmado ang gikataho nga dunay giimbestigahan sa probinsiya sa Camiguin.

Matud ni Calingasan nga andam kanunay ang nasod sa Pilipinas kung ugaling adunay matakboyan kay adunay mga pasilidades sa mga sayon lamang nga sakit sama sa mga ubo, pneumonia apan dako ang panghinaot niini nga unta dili na gyod moabot pa dinhi sa nasod sa Pilipinas tungod kay virus kini ug tungod kay wala pay tambal alang gyod niini.

"Naa tay equipment nga mabuhi ang tawo mohatag tag tambal for complications and not for the virus itself, siguro anti viral dayon another thing i-booster ang immune system sa tawo," matud ni Calingasan.

Sa pagkakaron, ang lakang nga ilang gihimo mao ang pagpahibalo sa tanang Municipal Health Office kalabot sa posibleng epekto niini.

"One way is keeping yourself healthy matulog og sayo, walay inom ug likayan ang gapangbuhaton sa tao," dugang sa health official.

Abiso ni Calingasan nga maghugas kanunay sa kamot aron malikayan kini nga sakit ug motakboy sa laing tawo.

"Handwashing gyod unahon, nagsend nako og advisory sa Municipal Health offices of 25 municipalities in Misamis Oriental. preventive measure that's not only on school but for everybody," matud niini.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph