12 anyos 'gikuhaa'g internal organs'

GIIMBESTIGAHAN karon ang alegasiyon sa usa ka inahan kalabot na sa iyang anak nga giingong gikuhaan og mga internal organs sulod sa pampublikong ospital nga nahimutang sa siyudad sa Cagayan de Oro.

Nasayran nga namatay ang 12 anyos nga bata nga taga Barangay Lapasan ug giingong nasuta sa inahan nga hawan na ang sulod sa lawas niini samtang sulod lamang mao ang mga dyaryo.

Sa pakighinabi sa SunStar Superbalita Cagayan de Oro ngadto sa hepe sa Police Station 2 sa Cogon nga si Police Major Ernesto Chansez, giingong nagpatala ang inahan ug nagreklamo kalabot na sa giingong gipangkuha ang mga internal organs sa anak niini kinsa na-admit sa maong ospital ug namatay.

"Nipirma siya wala siya kasabot unsay gipirmahan niya, ang ingon daw supposed to be magkuha lang og sample microscopic unya daghan man, dako man kaayo," matud niini.

Nagpaabot pa usab kini sa tubag sa mga doktor sa nahisgutang tambalanan kalabot na sa maong reklamo.

Samtang padayon pa ang kapulisan sa pagsuta sa kinatibuk-ang panghitabo labi na ang pahayag sa inahan ug pamilya ug sa bahin usab sa balay tambalanan nga gireklamo.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph