‘Wangwang boy’ mitahan sa LTO

NIPATIM-AW ug nibayad sa iyang duha ka traffic violations si Judiel Niño Cane, 19, human iyang giangkon ang salaod, sa buhatan sa Land Transportation Office (LTO) 7.

Kalapasan sa Presidential Decree (PD) 96 kon illegal nga paggamit sa siren kon wangwang ug reckless driving ang mga kalapasan ni Cane. Si Cane giisyuhan og Temporary Operators Permit ug gipadayad og P8,078 sa duha ka traffic violation.

Si Regional Director Victor Emmanuel Caindec nagkanayon nga bolontaryo nga niadto sa LTO7, N. Bacalso, dakbayan sa Sugbo si Cane uban sa iyang inahan, dala ang wangwang nga gikan sa sakyanan nga iyang gimaneho.

Si Caindec nagkanayon nga kon adunay silot nga mapahamtang kang Cane depende kini sa i-generate sa ilang system human unya sa pag-encode sa duha ka violation sama unya sa pagka suspenso sa iyang driver’s license kon adunay merito nga makita ang system.

Si Cane mao ang nag-viral sa social media human nigamit og wangwang kay nabalaka nga ma-late sa exam sa iyang tunghaan.

Si Judiel Nińo dihang nahinabi sa mga tigbalita niangkon sa traffic violation nga iyang nalapas dihang nagmaneho siya niadtong Enero 23 nga gi-upload sa Instagram nga makita usab sa Facebook.

Dugang sa batan-ong estudyante nga iyang gidawat ang tanang pagsaway, biay-biay og ang pagtawag kaniya sa publiko nga ‘Boy wangwang” diha sa social media.

Si Caindec nagkanayon nga ang operation division sa LTO 7 nipadala og komunikasyon ngadto kang Cane isip kabahin sa ilang pasi-unang lakang apan gipili niini nga mo-surrender kagahapon ug atubangon ang iyang nahimo nga kasaypanan.

Ang pangulo sa LTO 7 nagkanayon nga dili pa siya makahatag og kon unsay haom nga silot gawas lang sa penalty subay sa violation nga iyang nahimo sanglit mag-agad sila sa rekomendasyon sa ilang system mga gisunod. (PAC)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph