GIBUTYAG ni Health Secretary Francisco Duque III kagahpon, Lunes, Enero 27, nga dunay 11 ka mga langyaw ang ubos sa imbestigasyon sa 2019 novel coronavirus (2019-nCoV).
Usa sa mga pasyente, 5-anyos nga lalakeng Insek gikan sa Wuhan, gipagawas na sa Vicente Sotto Memorial Medical Center (VSMMC) niadtong Biyernes sa gabii, Enero 24, human hingpit nga nasuta nga walay 2019-nCoV infection base sa laboratory test results sa Victoria Infectious Diseases Reference Laboratory sa Melbourne, Australia.
Napulo ang mga pasyente ang nabilin ubos sa patients under investigation (PUI) ug nagsulod sa nagkalainlaing ospital sa tibuok nasod.
Sa 10, duha ka ang naa sa Cebu City, tulo ka Kalibo sa Aklan, usa sa Tacloban City sa Leyte, duha Metro Manila, usa sa Palawan, ug usa sa Camiguin.
Si Duque nipasabot nga walay konpirmadong kaso sa 2019-nCoV sa Pilipinas sa pagkakaron ug walay Filipino nga ubos sa imbestigasyon tungod sa naasoy nga virus.
Ang PUIs mao ang Chinese, Brazilian, American ug German nationals nga dunay h history sa pagbiyahe sa Wuhan City sa China, ang ground zero alang sa 2019-nCoV outbreak.
Apan si Duque wala mobutyag sa ilang pangalan.
Sa laboratory test results sa upat ka mga pasyente, lakip sa 5 anyos sa Sugbo, gipagawas na sa Research Institute for Tropical Medicine (RITM).
Apan si Duque wala mohata og detaklye sa resulta sa ilang eksaminasyon.
Ang Department of Health (DOH) nagpaabot pa sa resulta sa ekaminasyoan sa napiling pito ka pasyente.
Kon ang throat ug nasopharyngeal swabs makita nga positibo sa coronavirus pinaagi sa RITM, ang specimens ipadala sa Melbourne alang sa konpirmasyon sa 2019-nCoV, sumala sa DOH. (MVI / SunStar Philippines)