LUWAS nga puy-an ang dakbayan sa Sugbo bisan sa pagsaka sa index crime nga gibutyag sa online database nga Numbeo gikan sa 55 nga pwesto ngadto na sa 66 nga labing luwas nga siyudad sa tibuok Asya.
Kini bisan migawas karon sa resulta sa survey sa online data nga Numbeo nga miubos ang rating sa siyudad nga labing luwas nga dakbayan sa tibuok Asia tungod usab sa pagsaka sa index crime niini.
Gikan sa ika 55 nga labing luwas nga siyudad sa tibuok asya nahimutang na kini karon sa ika 66 nga dapit.
Alang kang Police Colonel Engelbert Soriano sa Cebu City Police Office (CCPO), nga luwas gihapon nga puy-an ang dakbayan sa Sugbo sukad pa kaniadto ug karon ug wala pa siyay kasayuran unsay basehan sa maong online survey firm.
Makapamatuod niini ang mga kalihukan sa Sinulog 2020 nga nahimong malampuson ug malinawon sa kinatibuk-an, tungod niini, matawag nga labing luwas ang dakbayan.
“The fact that we survive sinulog 2020 with the very good feedback from the community I would like to believe na Cebu City is safer than ever with your help,” matod ni Soriano.
Subay niini, subsob nga miinspeksyon si Soriano sa mga police station sa libot sa dakbayan. (AYB)