NAKUGANG ang kalibutan sa basketball kagahapon sa kadlawon (RP time) human sa kalit nga kamatayon ni Kobe Bryant, usa sa all-time greats sa National Basketball Association (NBA).
Sa edad nga 41, nakalas ang kinabuhi sa gitawag og Black Mamba hasta ang iyang 13 anyos nga anak ug laing pito nga sakay sa helicopter nga na-crash sa Calabasas, California.
“There were no survivors. We have a manifest that indicates there were nine people on board the aircraft, the pilot plus eight individuals,” matod ni Los Angeles County Sheriff Alex Villanueva sa usa ka news conference.
Si NBA commissioner Adam Silver mikompirmar nga nahilakip si Bryant ug iyang anak nga si Gianna sa mga namatay ug nagpadangat kini sa iyang pahisubo ngadto sa asawa sa Los Angeles Lakers legend nga si Vanessa.
“He was one of the most extraordinary players in the history of our game with accomplishments that are legendary,” matod ni Silver.
Gikan sa high school, si Bryant wala na moduwa sa kolehiyo ug nagpa-draft kini’g deretso sa NBA niadtong 1996 diin gipili siya sa Charlotte Hornets isip No.13 overall pick. Nag-edad pa og 18 anyos si Bryant niadtong higayuna.
Human sa drafting, gi-trade dayon sa Hornets si Bryant ngadto sa Los Angeles Lakers ug matod pa, ang nagsunod nga mga senaryo pulos na tipik sa kasaysayan.
Nagduwa si Bryant sa NBA sulod sa 20 ka mga tuig diin 18 ka mga higayon nga nahimo siyang All-Star.
Nahimo siyang 5-time NBA champion, 2-time NBA Finals MVP, regular MVP, 5-time All-Star MVP, 15-time member sa All-NBA Team, 12-time member sa All-Defensive Team, 2-time scoring champion ug Slamdunk champion.
‘Kobe we love you’
Ang giidolo ni Bryant nga si basketball legend Michael Jordan usa sa mga bantugan nga nagpadangat dayon og mensahe.
“Words can’t describe the pain I am feeling. I loved Kobe — he was like a little brother to me. We used to talk often, and I will miss those conversations very much,” asoy ni Jordan, usa ka 6-time NBA champion ubos sa kampo sa Chicago Bulls.
“He was a fierce competitor, one of the greats of the game and a creative force. Kobe was also an amazing dad who loved his family deeply — and took great pride in his daughter’s love for the game of basketball.”
Ang kanhi kaabag ni Bryant sa paghatag og kampiyunato sa Lakers nga si Shaquille O’Neal nagpagawas sab dayon og mensahe.
“There’s no words to express the pain Im going through with this tragedy of loosing my niece Gigi & my brother @kobebryant I love u and u will be missed. My condolences goes out to the Bryant family and the families of the other passengers on board. IM SICK RIGHT NOW,” tweet ni O’Neal.
Hasta ang presidente sa Amerika nga si Donald Trump migamit sab sa Twitter aron ipadayag ang iyang pagbati sa nahitabo.
“That is terrible news!,” asoy ni Trump. (AP, ESL)