Inilang baseball coach, asawa, anak nahikuyog sab ni Kobe

GAWAS ni Kobe Bryant ug sa iyang anak nga si Gianna, laing sports personality ang nalakip usab og kamatay sa pagka-crash sa helicopter nga ilang gisakyan niadtong Dominggo sa buntag.

Ang inilang baseball coach sa hataas na nga panahon nga si John Altobelli, uban sa iyang asawa ug anak ang nahikuyog usab nila ni Bryant sa maong trahediya.

Ang 56-anyos nga Altobelli namatay uban sa iyang asawa, anak nga babaye nga si Alyssa, 13, ug kauban ni Gianna sa basketball team.

Kini maoy gibutyag sa manghod ni Altobelli nga si Tony, ang sports information director sa eskuwelahan.

Siyam ka buok ang luwan sa maong helicopter nga na-crash mga alas 10 ang takna sa kabuntagon didto sa Calabasa, Los Angeles, California.

Si John Altobelli nahimong coach sulod sa 27 ka tuig sa Costa Mesa, California. Ang team maoy nakampiyon sa niaging tuig ug siya ang nahimong national coach of he year.

Iyang nagiyahan ang team ngadto sa 700 ka daog ug upat ka state titles. Pipila sa mga players nga ubos sa iyang pagdumala ang nakaduwa na usab og mga dagkong liga sama nila ni Jeff McNeil kinsa anaa na karong sa New York Mets.

“One of my favorite coaches I have ever played for and one of the main reasons I got a chance to play professional baseball,” matod ni McNeil. “Both the baseball and basketball world lost a great one today.” (JBM)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph