MAMUNDO og maayong kasinatian nga iyang magamit sa ugma damlag ang sumosulbong nga boksidor nga si Esneth Domingo sa iyang ikaduhang pagbiyahe sa Japan.
Si Domingo, 21, mobalik sa Japan aron mahimong sparring partner sa wala’y pildeng Japanese prospect Kento Hatanaka sa Soulbox Boxing Gym.
Kasamtangang nangandam si Hatanaka sa iyang umaabot nga away karong Pebrero 11, 2020 diin depensaan niya ang iyang World Boxing Council (WBC) Youth flyweight belt batok kang Filipino Roland Jay Biendima. Alang kang Domingo, kinsa nag-training sa ALA gym, nagtuo nga dako og ikatabang kining maong kasinatian sa ilang karera isip usa ka boksidor. (EKA, ESL)