SA ADLAW nga nagbangutan ang kalibutan sa basketball sa kamatayon ni legendary Kobe Bryant, si Damian Lillard nagbangis ug nagpakatap kini’g 50 puntos aron agakon ang hosts Portland Trail Blazers sa kadaugan batok sa Indiana Pacers, 139-129, kagahapon sa National Basketball Association (NBA).
Matod ni Lillard, kinsa nidugang sab og 13 assists, nga gipahinungod nila ang ilang pagduwa ngadto kang Bryant, kinsa usa sa labing maayong magduduwa sa NBA sa tanang panahon.
“I think it was the right decision for us to go out there and compete today in his honor. I think that’s what he would have wanted,” asoy ni Lillard.
“Obviously, throughout the game you think about it. The timeouts, and just random dead moments of the game, he’s on your mind, because it’s just such an unfortunately sad situation. It was a tough game to play as far as your energy and where your heart is, to say the least.”
Sa wala pa nagsugod ang duwa, ang NBA nagpahigayon og 24 seconds of silence.
Pagsugod pa lang sa duwa, ang Trail Blazers tuyo nga nagpatawag og 24-second shot-clock violation unya gisundan kini sa Pacers og eight-second timeline penalty isip pag-ila sa mga numero nga gigamit ni Bryant dihang nagduwa pa kini ubos sa kampo sa Los Angeles Lakers.
Daghang mga tumatan-aw sa Moda Center ang nagsul-ob og jersey ni Bryant.
Pagkahuman sa duwa, si CJ McCollum nakadugang og 28 puntos alang sa Trail Blazers samtang niamot og 21 puntos si Hassan Whiteside.
Ang Pacers gipangulohan ni Domantas Sabonis pinaagi sa iyang triple-double nga 27 puntos, 14 assists ug 11 rebounds.
Ang Trail Blazers ningsaka sa 20-27 nga rekord, ika-10 sa Western Con ference, samtang ang Pacers ningdakin-as sa 30-17 nga baraha, ikalima sa Eastern Conference. (AP, ESL)