Magsuong sakop sa BIFF nga 10 anyos na wa magkita niampo

Hulagway kuha ni Edgar E. Fuerzas
Hulagway kuha ni Edgar E. Fuerzas

COTABATO CITY -- Napulo na ka tuig nga wala magkita ang magsuon nga miyembro sa Bangsamoro Islamic Freedom Fighters ang misurender ngadto sa militar alas 2:00 sa hapon niadtong Lunes, Enero 27, sa probinsiya sa Maguindanao.

Giila ang mga rebelde nga sila Mohamad Sailila ug Mama Jainudin Sailila nga molupyo sa Liguasan Delta sa probinsiya.

Sa taho gikan sa 6th Infantry (Kampilan) Division, Philippine Army, nasayran nga misurender ang magsuon sa 601st Brigade.

Dala sa mga rebelde sa ilang pagsurender ang usa ka M14, usa ka M16 Armalite rifle ug mga bala.

Matud ni Mohamad nga siya misurender gumikan gusto na niya nga manginabuhing malinawon, uban sa iyang pamilya.

Suwerte sab ang iyang pagsurender gumikan nagkita sila sa iyang igsuon nga si Mama nga napulo na ka tuig nga nahanaw. Gani nagtuo na si Mohamad nga patay na kini.

Gitunol sab dayon sa Bangsamoro government, pinaagi kang Ministry of Interior and Local Government Minister Naguib Sinarimbo, ang tabang nga pinansiyal nga tabang, lakip na bugas ngadto sa magsuon.

Gipasalig sab ni 6th ID Chief Major General Diosdado Carreon nga makadawat og dugang hinabang ang magsuon ilawom sa Enhanced Comprehensive Local Integration Program sa administrasyong Duterte. (Edgar E. Fuerzas)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph