Gitadtad og sundang pagpatay

Gitadtad og sundang pagpatay

PERSONAL nga bikil nga may kalambigitan sa yuta ang gituohang motibo sa kamatayon sa 69 anyos nga mag-uuma kinsa giingong gihulgang patyon una pa man kini napalgang patay sa umahan sa Purok Gumamela, Sitio Tugop, Barangay Kingking, Pantukan sa alas 4:00 sa hapon, Lunes.

Ang biktima giila nga mao si Alfredo Hermoso Perez, minyo, mag-uuma ug molupyo sa Purok Gumamela, Sitio Tugop, Barangay Kingking, probinsiya sa Davao de Oro.

Sa report nga nakuha gikan sa Davao de Oro Provincial Police Office, nasayran nga ang anak sa biktima nga ginganlan og Adelaida Perez Era, 46, minyo, self-employed ug molupyo sa Purok Tagaytag, Sitio Tugop, maoy nagpahibalo sa Pantukan Municipal Police Station kabahin sa biktima nga napalgang wa nay kinabuhi.

Daling girespondihan sa kapulisan ang nahisgutang lugar aron susihon ang hitabo.

Base sa inisyal nga imbestigasyon, ang biktima nakahiagom og daghang mga samad tinigbasan sa nagkadaiyang bahin sa lawas nga maoy hinungdan sa iyang kamatayon.

Gibutyag nga una pa man ang insidente, nakabangi na sa biktima ang ginganlan og Ritchie Edim, hamtong ang pangedaron ug molupyo sa samang dapit diin sumala pa gihulga siyang patyon kung magkita sila sa umahan.

Dugang pagpanubay ang gilusad sa kapulisan sa tinguha nga mailhan ug madakpan ang matuod nga responsable sa pagpatay sa biktima.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph