NAGPANIKAD nang mosagubang sa iyang bag-ong tahas ang gitawag og “Cebuano Sniper” sa Maharlika Pilipinas Basketball League (MPBL) nga si Patrick Cabahug.
Si Cabahug, kinsa kanhi sakop sa Cebu City Sharks sa MPBL, nakatakdang moduwa sa Brunei Pegasus alang sa Thailand Basketball Super League (TBSL) nga sugdan karong Pebrero 3.
Ang produkto sa University of the Visayas (UV) Baby Green Lancers maoy usa sa tulo ka Pinoy’ng mga basketbolista nga gikuha nga imports sa Pegasus.
Nagkanayon si Cabahug nga molarga siya paingon sa Thailand karong Enero 30, 2020.
Gilauman nga ang three-point shooting ni Cabahug makatabang og dako sa kampanya sa Pegasus.
Matod ni Cabahug nga sa dili pa mosugod ang TBSL, ang Pegasus mosagubang una og duha ka tune-up games karong Pebrero 1 ug 2 batok sa Miller Team nga pangulohan sa kanhi MVP sa Philippine Basketball Association (PBA) nga si Willie Miller. (ESL)