KA GRABI man niining sakit nga Coronavirus. Paspas kaayo ang pagsaka sa gidaghanon sa nangamatay nga kapin na sa usa ka gatos.
Mora man ug metrohan sa taxi nga made in China, paspas kaayo ang pagpatak, matod pa sa ilang estorya.
Kinahanglan nga doblihon ang kalimpyo sa lawas kay wa rabay tambal niining klasi sa sakit nga nagikan sa Wuhan China.
Bisan ang pag shake hands ug besobeso gi bawal na! Magkinidhatay nalang ta niini kon mahimamat ang atong kaila!
Way gipili ang maong sakit. Namatay mismo ang Doctor sa Wuhan nga nag-atiman sa pasyente. Gani makita sa video sa social media nga natumba lang ug kalit ang naglakaw nga tawo ug namatay.
Kay wamay tambal ang maong sakit, igo nalang sa pagtambag ang Department of Health nga limpyo Lang gyud kanunay.
Mao sab kini ang tambag ni 2nd district provincial board member Tata Salvador, kanhi Vice chairman sa committee on health sa Bunta sa Lalawigan sa Sugbo.
Si Salvador nga na-interview sa “Agila”dugay nga nahimong nurse sa nasud sa Amerika kauban ang iyang asawa nga doktora miingon nga prevention is better than cure.
Bisan paman og wa pa makasud dinhi sa Sugbo ug sa Pilipinas ang Corononavirus, matod, ni Salvador sundan ang balita sa maong sakit.
Gidugang ni Salvador magpa konsulta gilayon sa doktor kon dunay gipamati sa lawas.manghugas sa kamot nga dunay sabon.
Pwede sab nga mogamit ug alcohol gikan sa 70 ngadto 80 percent. Mag-hand sanitizer gikan sa 20 ngadto sa 30 ka segundo.
Sa Boljoon
Kon tinuod nga ang mga pulis sa Boljoon nagpagamit sa mga pulitiko sa lungsod pagka dako nila og tulubagon.
Daghang reklamo akong nadawat sama sa illegal nga tigbakay ang mga way batasang pulitiko ang nagpasiugda kay mga sugarol sab ang mga pulis!
Tingalig nakalimot ang mga pulis kon matangtang sila sa trabaho dili makadupa kanang mga abusadong pulitiko kay maoy kamandoan sa presidente. Email:efrenlonzon71@gmail.com Text: 09235562777