ALANG sa seguridad sa mga Sugbuanon sa pagsaulog sa adlaw sa mga kasing-kasing, usa ka resolusyon ang gipasar sa Hunta Probinsyal nga nagsugyot sa Cebu Provincial Police Office (CPPO) nga mo-isyu og crime prevention advisory alang sa tanang mga kalihukan sa Pebrero.
Ang maong resolusyon gipangamahanan ni Bokal Jovito Thadeo “Jonkie” Ouano sa sixto distrito.
Sa resolusyon ni Ouano, gisaysay niini ang mga posibilidad sa pagsiaw sa mga krimen sanglit daghan sa mga Sugbuanon ang nagplano na nga magsaulog sa maong adlaw o ba kaha ang pag salu-salo sa gawas.
Gusto ni Ouano, nga angay likayan sa mga Sugbuanon ang pag-post sa tanang mga gi-plano nga lakaw sa social media sites sama sa Facebook tungod kay maghatag kini og tip sa mga kawatan o kriminal pagtultol sa mga biktima ug mahibaw kini nga wala’y tawo ang panimay hinundgan nga possible usab nga mahitabo ang kawat.
Gihatagan usab og pagtagad sa maong resolusyon ang possibling pagpamaligya unya og lumay o ba kaha drugas sama sa gamma hydroxybutyrate (GHB) nga gamiton sa mga criminal sa usa ka date rape nga maka-pa gana usab sa pakighilawas nga mo-resulta sa hallucination ug pagka wala sa panimuot.
Ang resolusyon giaprubahan niadtong sa Lunes, Enero 27, 2020. Giawhag ang kapulisan sa pagpakatap sa maong pahibalo sa di pa moabot ang Pebrero. (ANV)