SUPERBALITA CEBU

Gwen: Wala nay extension

LAF. Dili na ipadawat ni Gob. Gwendolyn Garcia ang mga request alang sa Local Assistance Fund (LAF). (SunStar File Photo)

WALA nay extension pa nga ihatag si Cebu Governor Gwendolyn Garcia alang sa mga lungsod o barangay nga mo-request alang sa Local Assistance Fund (LAF) ilabi na kon dili man gani balido ang rason nga ihatag niini kon nganong wala kini makatuman sa deadline karong Biyernes, Enero 31, 2020 pagsumiter sa mga gikinahanglan.

Ang mga pangayoon sa matag barangay, kinahanglan importante og gamit alang sa tanan sama nalang sa mga infrastructure projects.

Matod ni Garcia nga kinahanglan nga mosumiter og program of work ang barangay ug inspeksyunon kini sa Provincial Engineering Office (PEO) sulod sa duha ka buwan.

“Submit for the infrastructure, pero ang program of work will be prepared well. They can come up with a program of work but mag-inspection man ang PEO they have two months to inspect all of these and then for the PEO to submit the validated maayo na kay para wa nay mga tents ug mga monobloc chairs,” matod ni Garcia.

Mao kini ang gihimong kamandoan ni Garcia nga gipahibaw sa moabot 2,000 ka mga barangay officials sa miaging tuig.

Nasayran niini nga sa Enero ngadto sa Disyembre 2019 mipagawas og moabot P257 milyones nga pondo ang kagamhanan sa lalawigan sa Sugbo alang sa mga gipangayo nga tents, monobloc chairs, mga closed-circuit television cameras ug uban pa.

Dugang niya nga sa Oktubre 2019 miabot sa P218.4 milyones nga pinansyal nga ayuda sa mga barangay sa tuig 2015 ngadto na sa 2019 ang wa gihapon ma-liquidate.

Saysay ni Garcia nga ang maong kantidad mahimo na unta nga magamit pagpasemento sa 61 kilometro nga provincial og barangay roads nga magamit gyud sa tanan.

“We will focus funds of the Provincial Government to more important, beneficial projects and programs,” matod ni Garcia.

Hinuon ang mga isumiter nga resolusyon sa lokal alang sa funding requests ipaagi pa usab og laing validation aron masiguro nga wala kini giapilan pagpangayo sa mga butang nga dili importante. (ANV)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph