KAGAMHANAN sa Siyudad sa Talisay nimando sa ilang City Health nga pahugtan ang pagpanagang nga dili makasud ang novel coronavirus sa Dakbayan.
Matod ni Talisay City Mayor Gerald Anthony Gullas nga nakighinabi siya Lunes, Enero 27, sa ilang City Health officer, Dr. Lino Alanzado, kinsa nipahibawo nga heightened alert na usab sila sa Talisay City Health.
Nakig-alayon na usab ang CHO sa mga barangay opisyal.
Samtang ang Dakbayan sa Mandaue, ang Mandaue City Health Board niumol og Incident Management Team (IMT).
Si Mandaue City Health Office chief Rose Marie Ouano-Tirado niingon nga dunay panginahanglan sa pagpatuman sa IMT alang monitoring sa pagkuyanap sa coronavirus.
Tanang barangay health centers nalakip. Nagpakatap usab og mga impormasyon ang lungsod sa Oslob. Kini maoy gipahibawo ni Mayor Jose Tumulak Jr. atol sa pakighinabi sa mga tigbalita sa Enero 28, 2020.
Matod ni Tumulak nga usa sa labing una nga dagsaon sa mga Chinese tourist ang lugar tungod sa sikat nga whale shark watching. (KFD, FMD, ANV)