SUPERBALITA CEBU

Chinese tourists ban giduso

HANGYUON ni Mayor Edgardo Labella ang Bureau of Immigration nga did-an na sa pagsulod sa Dakbayan sa Sugbo ang mga Chinese tourist hilabi na kadtong gikan ug kasikbit nga mga dapit sa Wuhan, China.

Bisan si Lapu-Lapu City Mayor Junard Chan di gusto nga ang abyon gikan sa Wuhan ug kasikbit usab nga mga dapit motugpa sa Mactan Cebu International Airport (MCIA).

“I would request the Bureau of Immigration officials to no longer allow Chinese, especially those who are coming from Wuhan, to enter our city,” matod ni Labella.

Ang mayor nagkanayon nga andam mo-ban ang Cebu City sa mga turistang Insik kon maoy rekomendasyon sa mga health official para maprotektahan ang Siyudad gikan sa novel coronavirus, uban sa tabang sa kapulisan.

“We are ready to prevent Chinese tourists from entering the city and ask the assistance of police if health authorities would prefer their exclusion within the territorial jurisdiction of the city,” matod ni Labella.

Siya mopatawag sa pangulo sa Bureau of Quarantine, regional director sa Department of Health (DoH) 7, representative sa Bureau of Immigration, Dr. Gerardo Aquino sa Vicente Sotto Memorial Medical Center , Yvonne Feliciano sa Cebu City Medical Center ug mga chief of hospital sa mga pribadong tambalanan sa dakbayan para ilang hisgutan ang maayong pagabuhaton.



“First of all, we have to protect our constituents with the consultations of our health authorities and we should be ready to prevent Chinese tourists from entering our City,” matod sa mayor.

Si Labella niingon nga base sa labing uwahi nga kasayuran nga iyang nadawat gikan sa team nga iyang giumol para maoy mo-monitor sa kapiskay sa panglawas, wa pay bisan usa sa siyudad ang gidudahan nga nataptan sa maong balatian.

Samtang si Chan niawhag sa Department of Health (DOH) 7 sa posibleng pag-ban sa hingpit sa flights gikan sa China aron kalikayan ang pagsulod ug pagkatap sa novel coronavirus sa Sugbo.

Alang ni Chan ang DOH maoy adunay katungod sa paghimo sa naasoyng deklarasyon sanglit kini public health concern.

“Nanawagan kita sa Department of Health (DOH) to consider banning of flights from China as a preventive measure pareha sa gibuhat sa Canada ug sa UK kay naa tay mga direct flights sa mga neighboring cities sa Wuhan, China kon diin nagsugod ang maong virus,” matod ni Chan sa iyang Facebook post.

Kagahapon, Enero 28, nang-apod-apod si Chan og 15,000 ka mga face mask ug rubbing alcohol sa aron magamit sa mga empleyado sa tugpahanan nga kanunay makasugat og mga langyaw nga turista.

Way NCoV

Samtang gitataw ni Chan nga di tinuod nga dunay gisuspetsahang kaso sa novel coronavirus sa dakbayan.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph