DUHA ka mga kanhi sakop sa New People's Army (NPA) ang mibalik sa sabakan sa gobyerno ug mitahan kini kang Misamis Oriental Governor Bambi Emano niadtong niaging adlaw.
Ang peace management gihimo pinaagi sa Provincial Social Welfare and Development (PSWD).
Bulan sa Septiyembre gipangunahan ni Emano ang pag-activate sa Task Force Elcac sa Barangay Eureka, Gingoog City.
Gibutyag ni Emano nga sa pagtahan sa duha ka walhong membro nga gitakdang aduna pay mosunod niini nagpamatuod nga malampuson ang ELCAC.
"Task force Elcac had been very successful. In fact, unknown to many of you, wala guro mo nasayod niadtong nilabayng semana dunay duha ka miyembro sa CPP-NPA nga nagsurender sa kapitolyo sa Task Force Elcac. Ang usa babae, ug usa lalaki," butyag ni Emano.
Gi-turn over sab dayon kini nila sa 58th Infantry Battalion sa pagpanguna ni Lieutenant Colonel Roy Derilo alang sa profiling ug pag process kanila.
Gisiguro sab nga mahatag kanila ang benipisyo nga gitagana sa gobyerno alang niadtong walhong grupo nga mibalik na sa komunidad.