GIKALIPAY ni Gobernador Gwendolyn Garcia ang pagdayeg ni Agriculture (DA) Secretary William Dar sa lalawigan sa Sugbo nga nagpabilin nga ASF free tungod sa padayong pagpatuman sa ban sa mga produktong baboy nga gikan sa Luzon ug ubang rehiyon.
Matod ni Garcia nga bisan pa man og sa sugod, wa kini magka-uyon sa desisyon nga pag ban sa mga produkto pag sulod sa kabisayaan apan alang niya nagbunga ang iyang pag panalipod sa lalawigan.
“I appreciate the fact that they have seen how our efforts have paid off in keeping Cebu ASF free, we may not have always agreed initially but even during those times I never disagreed to be disagreeable with them I was just protecting the province because that to me was my primary responsibility,” matod ni Garcia.
Si Garcia una nga mi isyu og unom ka mga executive orders (EO) lakang pag panalipod sa P11 Bilyones nga hog industry sa Sugbo batok sa padayong pagkatap sa kagaw sa African Swine Fever (ASF).
Sa Nobyembre mi isyu usab og laing kamandoan ang Gobernador pag extend usab sa ban kutob Hunyo 30, 2020.
Hangtod karon, nagpabiling hugot nga gipatuman ang maong kamandoan lukop lalawigan sa mga pantalan, paluparan og uban pang terminals aron masiguro nga luwas sa ASF ang Sugbo.
Lakip usab sa mga lalawigan nga gi dayeg ni Secretary Dar mao ang Rehiyon IV-A og lukop Mindanao.
Nanghinaot si Garcia nga sa niining paagi, mas malig-on ang pagtinabangay sa Department of Agriculture (DA) ingon man sa lalawigan alang sa kalamboan sa tanan.
“Now that they have seen the effectiveness of our efforts we look forward to a more cooperative and more collaborative effort with the DA in keeping Cebu ASF free,” matod ni Garcia bahn sa kalamposan sa iyang pagdeklarar og potk ban sa Sugbo. (ANV)