SUPERBALITA CEBU

Barrita: Ban sa mga turistang Insek?

Tipik sa Balaod

ANG mga nasod adunay katungod sa pagprotehir sa ilang mga teritoryo, lakip sa ilang mga borders. Alang kini sa seguridad, ekonomiya ug panglawas sa katawhan sa maong nasod. Mao kana nga kon mobiyahe ka sa laing nasod, magkinahanglan ka og visa kay pilion ang ilang pasudlon.

Sa Estados Unidos, gipatuman ang seguridad sa ilang mga borders sa Customs and Border Protection (CBP), ang labing dakong ahensiya sa US Department of Homeland Security nga adunay mokabat sa 45,000 ka mga ahente. Dinhi sa Pilipinas, gipatuman kini sa Bureau of Customs ug sa Bureau of Immigration.

Tungod sa pagkuyanap sa makamatay nga novel corona virus (nCoV) sa Wuhan, China, dunay hugon-hugon si Cebu City Mayor Edgardo Labella nga ipahamtang ang ban sa mga turistang Insek sa syudad aron paglikay nga matakdan ang mga lomulupyo sa maong balatian.

Apan may gahom ba ang mayor sa pagpahamtang sa maong ban? Si Atty. Ian Kenneth Lucero, officer-in-charge sa Department of Interior and Local Government (DILG) – Cebu City, niingon nga way babag, way “legal impediment” sa mga mayor sa pag-ban sa mga turistang Insek sa pagsud sa syudad kon gikinahanglan.

Matod pa niya subay kini sa “general welfare clause” ubos sa Local Government Code of 1991 nga nagdelegar sa “police power” sa estado ngadto sa mga local government units (LGUs).”

“Each LGU shall exercise powers which are essential to the promotion of the general welfare. Within their respective territorial jurisdictions, LGUs shall promote health and safety, among others,” nagkanayon ang iyang text message nga gipadala sa SunStar Cebu niadtong Dominggo, Enero 26, 2020.

Unsa man kining police power? Ang Korte Suprema, sa kaso nga Ermita Malate Hotel vs. City Mayor (July 31, 1967), niingon, “Police power is the power vested in the legislature by the Constitution to make, ordain, establish all manner of wholesome and reasonable laws for the good and welfare of the State and its people.”

Unsa man ang mga katuyoan sa police power? Subay sa kutay sa mga desisyon sa Korte Suprema, mao kining mosunod: (1) to promote the general welfare, comfort and convenience of the people; (2) to promote and preserve public health; (3) to promote and protect public safety; (4) to maintain and safeguard peace and order; (5) to protect public morals; and (6) to promote the economic security of the people.

Klaro nga ang police power naglakip sa pagpreserbar sa panglawas sa publiko. Busa mahimong i-ban sa mayor ang mga turistang Insek nga di na kinahanglan nga matakdan ang mga lomulupyo sa syudad sa novel corona virus gikan sa Wuhan, China. Ang problema na lang kon unsaon pagpatuman anf maong ban nga maglusot-lusot man lang ang mga tawo sa syudad, lokal ug langyaw. (-edbarrita@gmail.com)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph