SUPERBALITA CEBU

Nalzaro: Reklamo sa BHW

Saksi

NIADTONG miaging semana, puwerting daghana nakong nadawat nga mga reklamo gikan sa mga barangay health workers (BHW) nga hangtod karon wala pa makadawat sa ilang honorarium gikan pa sa Hunyo. Sama sa Tejero, Inayawan ug Sawang Calero. Gani si Sawang Calero Barangay Captain Sergio Ocaña nanawag man sa akong tulumanon sa dySS ug mipadayag sa iyang kahisagmuyo.

Matod pa nga gilisud-lisud sila sa taga City Hall pinaagi sa pagpangayo og mga dokumento sama aning profiling kabahin sa ilang performance nga diin sila madestino. Unya inig adto nila sa City Hall labi pa sa buhatan ni Mrs. Althea Lim, coordinator sa mga BHW, ipasa-pasa lang sila ug yawyawan pa ang uban. Moingon kuno si Lim nga atoa na sa buhatan sa mayor. Apan inig follow nila, moingon pod ang staff sa mayor nga wala may gi-endorse ang buhatan ni Lim.

Mao nga nakaingon ang uban nga namulitika na pod si Mayor Labella kay kasagaran kanila gikan sa mga barangay kansang kapitan kaalyado sa BOPK. Unya sige man gong ingon ning mayor nga “inclusive government” ning iyang administrasyon. Buot ipasabot nga iyang i-welcome ug atimanon ang tanan, kapartido man niya o taga oposisyon.

Niadtong Martes mibisita sa akong tulumanon sa dySS Super Radyo sila si City Administrator Floro Casas Jr., City Health Officer Daisy Villa ug Lim ug gitubag ang reklamo. Ang mga nangreklamo sama sa taga Tejero, Kap Ocaña ug si Vince Monterde, administrator sa Inayawan, mi-interact usab.

Apan giklaro nila ni Casas nga wala mamulitika ang administration. Ang rason gumikan kay kadaghanan kanila, wala maka-submit sa gikinahanglan nga rekisitos nga gipangayo sa City Hall. Ug wala mamulitika ang taga City Hall kay aduna poy mga BHW sa mga Barug PDP Laban barangay captain ang susamang wala makadawat. Aw, kuridas diay. Matod pa ni Villa nga kasagaran ning maong mga BHW nga gi-hire sa barangay wala manarbaho kay naanad sa unang administrasyon nga modawat lag limpyo. Aw, mao diay. (bobbygnalzaro@gmail.com)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph