ARON mapalambo ug mapalig-on pa ang kalidad sa edukasyon sa nasod, aduna’y programa ang Department of Education (DepEd) aron makab-ot kining maong tumong.
Si DepEd 7 Regional Director Dr. Salustiano Jimenez nagkanayon nga tinguha ni Education Secretary Leonor Briones nga mapalambo ang basic education sa nasod hinungdan nga gimugna ang “Sulong Edukalidad” program.
“Actually, kanang ‘Sulong Edukalidad’ namugna na sa atoang Secretary of Education Leonor Briones nahimo ni tungod sa pag join nato sa PISA (Program for International Student Assessment) international assessment. Wala pa gani mogawas ang resulta, naghuna-huna na si Secretary unsay angayang buhaton para sa atong quality education,” si Jimenez nagkanayon.
Dugang sa direktor nga nakita sa ahensiya nga di na lisod ang access sa edukasyon sa nasod tungod kay sagad barangay aduna na’y tunghaan.
Hinungdan nga ang tinguha sa DepEd karon nga kalidad nga edukasyon subay na usab sa resulta sa PISA nga anaa sa ika-79 nga pwesto ang Pilipinas sa 79 ka mga nasod nga nipaubos sa international assessment.
Hinuon mapasalamaton gihapon si Jimenez tungod kay anaa sa ikaduha ang Central Visayas ang taas og resulta sa PISA sunod sa National Capital Region (NCR).
Sa Central Visayas, aduna’y 14 sa kapin liboan ka mga tunghaan ang nikuha sa maong exam, diin ang mga nikuha katong mag nag-edad og 15 anyos.
Ang PISA usa ka eksaminasyon alang sa 15-anyos nga bata diin sutaon ang reading, Mathematics, ug Science literacy niini.
“Ang kanang atoang exposure sa kind of examination kay computer aided man nga assessment. So, computer aided. Ang atong mga bata naanad man og paper and pencil or paper and pen so bisan kita gani, professional kon kita siguro mo take og exam nya computerized, naay time limit, basin utro sad ta dili kahuman kay one reason gamay ta og score is our learners were not able to finish the examination. So, must be one of that factor,” si Jimenez nagkanayon.
Ang Sulong Edukalidad sa DepEd aduna kini’y KITE o ang (1) K to 12 Curriculum review and update; (2) Improvement of learning environment (3) Teachers’ upskilling and reskilling; ug (4) Engagement of stakeholders for support and collaboration.
Mao kini ang mga target nga i-reporma sa DepEd alang sa kalidad nga basic education.
“The teachers also need upgrading, upskilling kay kon ang ilang nakat-onan sa una ang strategies, ang approaches ilang gikat-on sa una ug mao gihapoy ilang i-implement karon sa mga bata karon, dili na gyud siya effective. So, we need gyud nga to look for other approaches and strategies that could fit in the kind of learners we have at present,” si Jimenez nagkanayon.