SUPERBALITA CEBU

2,500 na ang nagparehistro sa Comelec Cebu City

SUKAD nga nagsugod ang pagbalik sa registration sa Commission on Election (Comelec) niadtong Enero 20 hangtod Enero 29, niabot na og 2,487 ka mga indibidwal ang narehistro.

Kini base na usab sa datus sa Comelec Cebu City pinaagi ni Election Assistant Omar Mamalinta.

Matod niini nga sa Comelec Cebu City First District o North District anaa sa 1,161 ang nakaparehistro samtang sa Second District o South District miabot na sab sa 1,326 ang nagparehistro.

Sagad sa mga transakyon nga gihimo kining registration, application for transfer, reactivation, correction of entries ug mga bag-o nga mga nagparehistro.

Matod ni Mamalinta nga maayo kining daghan ang bag-o nga nagparehistro hilabi na nga pagpangandam sab kini alang sa 2022 nga National ug Local Elections nga mahitabo sa May 9.

“So far, so good. Hapsay raman ang atong pamaagi sa pag register, organize and it just that katong atong experience pag Sabado mao toy pinaka menus nga nagparehistro naa tay 32 but hopefully in the coming kanang sabado nga ipahigayon ang registration hopefully mas daghan pa gyud ang magpa-register,” matod ni Mamalinta.

Gilauman nila nga 3%-5% sa total number sa registered voters ang magparehistro hilabi nga taas ang panahon nga gihatag sa pagrehistro nga moabot og usa ka tuig ug walo ka buwan. Gani abli ang Comelec matag Sabado ug holidays.

“So atong gi-encourage ang wala pa maparehistro ug katong ganahan magpa change sa ilang status, correction of entries, magpa reactivate nga moanhi sa atong opisina.." matod ni Mamalinta. (HBL)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph