Binghay: Ang tanan dunay kinutuban

DAGHANG nauyog ug wa katuo sa kalit ug wa damha nga kamatayon sa usa sa pinaka-sikat, ambungan ug adunahan nga basketball player nga si Kobe Bryant.

Matud pa sa panultihon ‘life is short’ ug ang atong ugma way panaad ug kasiguruhan sa dangatan, busa angay paningkamutan nga magmalipayon, kontento ug mapasalamaton sa inadlaw-adlaw nga di maihap nga gasa sa kinabuhi nga gipahuwam sa kahitas-an.

Kining mosunod nga akong pagabatbaton maoy mga kamatu-aran nga di mapugngang mo-abot ug mahitabo sa gusto o dili.

Kamatayon. Sakit man sa atong buot apan kita tanan lakip atong mga minahal duna nay nakatakda nga ‘expiration date’ kon takna sa kamatayon maong bisag unsa pa ka ambungan, adunahan, buotan, kung takna na sa p[agbagbawi sa imong kinabuhi wa ka nay mahimo. Sama ni Kobe nga wa magdahom nga makabsan sa iyang kinabuhi dihang na crash iyang gisakyang helicopter.

Ang ikaduhang kamatuoran kining perpektong relasyon ug perpektong pares nga maka-uban hangtod sa katiguwangon. Sa tinu-oray lang way perpektong bana, asawa, uyab, partner o karelasyon. Angay hinuon tutukan ang pagpangita og pares nga susama sa imong mga hilig ug gustong pagabuhaton nga nahi-uyon sa imong bili ug pagkatawo para matukod ang gustong relasyon.

Ang tanan dunay kinutuban gikan sa natad sa gugma, kinabuhi, edad, panginabuhi, kalipay ug kasakit.

Be romantic bisag sa ginagmay nga butang o pa-agi. Hatagi og kolor ang imong lovelife og paninguhaa nga magmalipayon bisag unsa pa ka simple ang imong mga ginbuhaton.

Tanang problema dunay kasulbaran di lang diha-diha makita busa pangita og paagi nga masulbad imong mga isyu imbis magsegi og yawyaw ug panaway.

Ka kontento sa imong kasamtangang na-abot, kabtangan o bahandi bisag unsa pa kini ka gamay o dako. Hinumdumi ang kinabuhi dili sama sa salida o sine. Pasabot nga kat-unan ang pagplano kung unsa imong gustong makab-ot para ang damgo matigayon.

Katapusan, ayaw kalimot sa pag-ampo para mahatagan ka og insaktong direksyon.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph