SA titulo pa lang adunay bayrus (virus) o epidemya nga kinahanglan daling masulosyonan aron dili mokatap.
Ang mga bida dinhi silang Roy Empleo, Dan Lopez, Debbie Dela Torre, Maria Yaying Flora, Bro. Samuel Mary Leidel, Jojo Buron ug Leani Shane Maratas sa direksyon ni Roy Empleo ug Cris Damo.
Sa miaging semana gipahigayon ang screening sa tanang misumiter og entry sa Sinulog short film festival. Karong adlawa, Feb. 2, ala-1 sa hapon dunay screening ug announcement of finalist sa Film Media Arts Academy Cebu ug sa gabii sa alas 6 ang awarding sa Robinsons Galleria Movieworld.
Atong suportahan ang tanang entry labi na ang “Da Bayrus”, ay’g saba!
Sa kaulohan may mga pelikula nga gigama alang sa 2020. Sama sa “Walang Kaparis” (Spring Films), ang balik-tambalan nilang Alessandra de Rossi ug Empoy Marquez; “Ultimate Oppa” (Reality Entertainment) ni Bela Padilla ug ang “On Vodka, Beer and Regrets” ni Bela ug JC Santos nga showing na karon;
“Pagsapit ng Dilim” (Octoarts); “Ang Araw ng Itim na Nazareno” ni Lav Diaz (Spring Films);
“Tililing” nga unang pagbida ni Chad Kinis kauban silang Gina Pareño, Candy Pangilinan, Baron Geisler, Cai Cortez ug Donnalyn Bartolome; ug “Fluffy and Fream” (Spring Films) starring Piolo Pascual ug Alessandra de Rossi nga mao usab ang director.
Ang manag-uyab nga Kim Molina ug Jerald Napoles duna say pelikula nga gisuwat ug direksyon ni Darryl Yap (Viva); aduna say science fiction, suspense drama film (TEN17P) sa direksyon ni Paul Soriano, usa ka air traffic controller ang bida nga si Jericho Rosales nga gustong makontak ang nawagtang ining asawa nga gikuha kuno sa UFO;
Adunay part 2 ang “On The Job” ug bida silang Christopher de Leon, John Arcilla, Lotlot de Leon, William Martinez, Eric Fructuoso ug Andrea Brillantes sa direksyon ni Erik Matti;
Si Charo Santos ug Daniel Padilla modala nga inahan ug anak sa “Whether the weather is fine.” Ay’g saba!