Gwen: Presidente ra ang maka-ban

Si Cebu Governor Gwendolyn Garcia niklaro nga bugtong ang presidente lang sa Pilipinas ang makapahamtang og ban sa pagsulod sa mga langyaw ug nga ang local government units makarekomendar lang alang niini.

Kini human siya makadawat og mga pagsaway online sa pagpatuman lang og 14-ka adlaw nga quarantine sa mga namiyahe gikan sa mainland China inay pag-ban kanila.

Sa iyang pag-ingon nga ang ban dunay mga epekto sa foreign policy ug international relations mao nga kini iyahang desisyon sa Presidente, si Garcia nitataw nga ang labing maayo rang mabuhat sa Lalawigan aron malikayan ang pagkuyanap sa 2019-novel coronavirus acute respiratory syndrome (2019-nCoV ARD) mao ang pagpatuman sa 14-ka adlaw nga quarantine sa tanang incoming nga travelers gikan sa China.

“This is what I wish to clarify because after we had announce our plans to impose a quarantine, I have had a lot of bashing by mediocre keyboard warriors who insist that I should ban. Some even go so far of accusing me of really below the belt statements,” matod niya sa usa ka press conference sa Sabado, Pebrero 1, 2020.

Usa ka executive order (EO) gitakdang pirmahan sa Lunes, Pebrero 3, ug gipaabot nga moepekto sa Miyerkules, Pebrero 5.

MANAKOP

Magsugod na og panakop ang Land Transportation Franchising and Regulatory Board-7 (LTFRB-7) sa mga drayber nga wa nagsul-ob og face mask.

Kini ang gipahibawo ni LTFRB 7 Regional Director Eduardo Montealto human sa ilang gipagawas nga kamandoan niadtong Biyernes, Enero 31, 2020 nga kinahanglan magsul-ob og face mask ang mga drayber sa mga “public utility vehicle” o PUV aron paglikay sa novel coronovirus.

Tungod gamay ra ang ilang mga personnel, naghimo sila og joint operation uban ang InterAgency Council for Traffic (IACT), Land Transportation Office (LTO-7), Highway Patrol Group, local government unit ug kapulisan aron sa pagdakop ug pagbantay sa mga drayber nga wa nagsul-ob og face mask. Dungag ni Montealto nga hatagan og resibo ang madakpan ug kini ilang papirmahon timailhan nga kini nadakpan. / WBS, JCT

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph