DILI gihapon makaduwa si Golden State Warriors star Stephen Curry sa kinatibuk-ang buwan sa Pebrero sa National Basketball Association (NBA) gumikan kay nabali ang iyang wala nga kamot.
Sa kasamtangan, padayon pa si Curry nga nagpaalim sa iyang angol ug susihon pagbalik ang iyang sitwasyon karong Marso.
Nasinati sa two-time Most Valuable Player (MVP) ang iyang angol niadtong Oktubre 30 sa kapildihan sa Warriors batok sa Phoenix Suns ug paglabay sa duha ka mga adlaw, gipaubos siya sa operasyon.
Bisan nagkaguliyang ang kampanya sa Warriors sa kasamtangan, nagtinguha gihapon si Curry nga makabalik og duwa sa dili pa mahuman ang season.
Ang Warriors nangiwit sa standing dala ang 10-39 nga rekord.
Si Curry nag-average og 20.3 points, 6.5 assists ug 5.0 rebounds sulod sa upat ka mga duwa ning maong season. (AP, ESL)