MEMORABLE ang ika 22nd komemorasyon o paghandum sa nahagsa nga Cebu Pacific Flight 387 niadtong Pebrero 2, 1998 diha sa Mt. Sumagaya, Gingoog City.
Si Atty. Jeffrey Saclot, ang Provincial Tourism head, uban ang mga ulo sa departamento sa kapitolyo probinsyal maoy niorganisa ug nanguna sa pagpahigayon sa Santos nga misa, candle lighting ug wreath laying diha sa Cebu Pacific Fligt 387 Shrine diha nga nahimutang sa lungsod sa Claveria, Misamis Oriental.
Mga pamilya sa 104 ka biktima sa crash ang nag vigil pa sa gabii sa adlawng Sabado ug nisalmot sa Santos nga misa pagka alas 6:00 sa gabii nga gipangunahan ni Reverend Fr. Datoy.
Matud ni Saclot nga memorable ang paghandum ning tuig.
"For past six years, alas 8 kanunay ang misa and right now, it's 6 o'clock in the morning so it's very meaningful because we really started the day with the divine intervention," matud ni Saclot ug mapasalamaton nga bisan sa ka hectic sa schedule sa pari naselebrar ang misa.
Exciting sab ug unique ning tuig tungod sa kabaga sa fogs nga maoy timailhan nga nabati ug nakita sa mga bisita kung unsa diay ka tugnaw ug foggy ang dapit nga dako og potensyal sa Tourism Development.
"Very exciting nga first kay tungod kay sayo nato gipahigayon ang fogs grabe kaayo ni kanindot nga lugar you dont have to go to Baguio, you dont have to go to other countries nga nag experience og kabugnaw kay diri lang mismo makita ang grabe ka potential nga tourism development," matud ni Saclot.
Kabag-ohan sa shrine
Gipaabot sab ni Saclot nga ning bulana ra usab pagasubhan ug pagasugdan na ang katukoran sa The Misamis Oriental Agriculture Tourism Complex and Botanical Garden ug laumang sunod nga komemorasyon dakong kabag-ohan sa Shrine ang mahitabo.
Ang proyekto adunay inisyal nga budget sa Provincial Government nga P17 milyon gikan sa social responsibility funds sa mga energy power company sa lalawigan.
"Speaking of tourism development, another excitement is that karon nga tuig ipahigayon ang ground breaking sa himoun nga botanical garden nga project ni Governor Bambi. This year;s commemoration daghan kaayo, first we are looking forward to this year's ground breaking and eventually ang pag launch nato sa botanical garden nga pagahimoun diri nga area," matud ni Saclot.
Dako kaayo nga kausaban ang mahitabo sa lugar gumikan kay daghan ang ibutang nga mga patigayon sa gitakdang katukoran niini.
"We are really hoping and expecting that by next year when we commemorate the 23rd anniversay lahi na atong makita nga lantawon," pahayag ni Saclot.
Ang mga residente sab sa dapit laumang makapamaligya nga daw maoy usa sa panglantaw ni Emano nga mahatagan og panginabuhian labina kung kini dagsaon na sa daghan nga turista.